Lua tosi o Koloniko 15:7 - Tosi Tapu

⁷ Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Lua tosi o Koloniko 15:7 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Lua tosi o Koloniko 19:11

Ti ko leinei, e kotou nofo loa mo Amalia, le tagata faisakilifisio lasi, ke pule kia koutou, o uiga mo nea fuli a le Eteleno, ti mo Sepatesa, vosa o Isemaele, pule o le fale o Suta, ke tokaga loa ki nea fuli a le sau, ti e kotou maua le kau Levi ke tui fakamaau i okoutou mua. Kotou fakamakeke ti kotou gaoi, ti ke kau loa le Eteleno mo leia e fai ia loa le nea e malie !

Lua tosi o Koloniko 32:7

Kotou fakamakeke ti kotou loto makeke ! Aua na kotou tuania ia fua se nea ti aua na kotou i fua ki le sau o Asilia mo lana solia toka api leia e nofo mo ia ; talie e lasi ake le makeke ia tatou i leia ia latou.

Pesalemo 19:11

E lotou mauiga ake i le aulo, io, i le aulo mea lasi ; E lotou sua malie ake i le meli, io, i le meli leia e sali mei laui meli.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Pesalemo 58:11

E fiafia loa le tagata agatonu i lana tio ki le totogi ; E fufulu loa e ia ona vae i le toto o le kau agaveli.

Selemia 31:16

E folafola le Eteleno, o pati : Taofi au tagi, Taofi a loimata i ou mata ; Talie e i ai loa se totogi o au gaoi, e pati le Eteleno ; E lotou toe liliu mai loa mei le fenua o le fili.

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Mateo 5:46

Kapau e kotou alofa fua kia latou ala e alofa mai kia koutou, kolea le fakapale leia e kotou maua loa ? Pe e leaise fai fenaaki foki le kau popelikano ?

Mateo 6:1

Kotou tokaga ki le fai o lokoutou agatonu, ke aua na kotou fai a ia i mua o tagata, o tupu ke tioi koutou : talie kapau ko ia, ti e leaise kotou maua loa se fakapale i tafa o lokoutou Tamana leia e nofo i le lagi.

Mateo 6:18

ke aua na sa ki tagata e ke sesunio, kae ke sa ki lou Tamana leia e nofo i lena i le ganea fakapulipuli ; ti ko lou Tamana, leia e tio i le ganea fakapulipuli, e liufaki ia atu loa a ia kiate koe.

Mateo 6:4

o tupu ke fai fakafufu lou nea alofa ; ti e toe liufaki atu loa a ia kiate koe e lou Tamana leia e tio i le ganea fakapulipuli.

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Uluaki tosi ki le kau Kolinto 3:14

Kapau e tuumau le gaoi leia na fai e se tasi i aluga o le fakavae lena, e maua loa e ia se fakapale.

Uluaki tosi ki le kau Kolinto 3:8

Ko leia e to ia mo leia e fakavai ia e tatau laua, ti e la tasi maua loa lona fakapale o fakatatau ki lana gaoi.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Kolose 3:24

o kotou iloa e kotou tali loa mei le Aliki le totogi ko le tofiga. Kotou tausi kia Kilisito, ko le Aliki.

Epelo 10:35

Koia ke aua na kotou tiaki lakoutou tui makeke, leia e pipiki ki ai se fakapale lasi.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 14:14

Koia na maua ai loa e Kalepo, vosa o Sefune, tagata Kenati, le kolo ko Epelone, ko lona tofiga, o tupu na mulimuli katoa a ia i le ala o le Eteleno, le Atua o Iselaele.

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !