Lua tosi o Koloniko 15:4 - Tosi Tapu

⁴ Kae i le temi o lolatou mamae na lotou toe liliu ki le Eteleno, le Atua o Iselaele, ti na lotou afa a ia, ti na lotou maua a ia.

Lua tosi o Koloniko 15:4 ပူးပေါင်းရင်းမြစ်များ

Lua tosi o Koloniko 15:15

ti na fiafia loa Suta katoa i le fakapapau lena, talie na lotou fakapapau i lolatou loto katoa, ti na lotou afa le Eteleno i lolatou loto malie, ti kua lotou maua a ia, ti kua soli e le Eteleno kia latou se malolo mei potu fuli.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 33:12

I lana nofo loa i le mamae, na tagi loa a ia ki le Eteleno, lona Atua, ti na fakasemala lasi loa a ia i mua o le Atua o ona tamana.

Pesalemo 106:44

Na tio loa a ia ki lolatou mamae, I lana logo ki alatou tagi.

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Esaia 55:6

Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Sakalia 1:3

Koia fakasa ai kia latou : E folafola le Eteleno o kau tau, o pati : Kotou toe liliu mai kiate au ; ti e kau toe liliu mai loa kia koutou, e folafola le Eteleno o kau tau.

Loma 10:20

Ti na toa Esaia, o fakasa : Kua maua au e latou ala na leaise afa ia au, Kua fakasa au kia latou ala na leaise vesili kiate au.