Lua tosi o Koloniko 14:2 - Tosi Tapu

² Na fakapuli loa e ia a aletale pagani mo ganea taualuga, ti na maumaui loa e ia a fakatata, ti na sele loa e ia a vao tapu.

Lua tosi o Koloniko 14:2 ပူးပေါင်းရင်းမြစ်များ

Uluaki tosi o Sau 15:11

Na fai loa e Asa le nea leia e totonu ki mata o le Eteleno, ofaipe Tavite, lona tamana.

Uluaki tosi o Sau 15:12

Na fakapuli loa e ia mei le fenua a tagata mo fafine faiaga, ti na fakapuli loa e ia a taulaatua fuli ala na fai e ona tamana.

Uluaki tosi o Sau 15:14

Kae na leaise puli loa a potu taualuga, logo ai na katoa le loto o Asa ki le Eteleno i lona mauli katoa.

Lua tosi o Koloniko 14:1

Na fai loa e Asa le nea leia e malie mo totonu i mua o le Eteleno, lona Atua.

Lua tosi o Koloniko 14:3

Na fakatotonu loa e ia ki Suta ke afa le Eteleno, le Atua o ona tamana, ti ke fai le lao mo ana fakatotonu.

Lua tosi o Koloniko 15:16

Na too foki e le sau ko Asa mei lona tinana ko Maaka, lona tuulaga fafine sau, o tupu na fai e ia se fakatata o Asetalate. Na maumaui loa e Asa lona taulaatua o momoliki ti na fakatotonu loa e ia ke tutu a ia i le liua o Setolone.

Lua tosi o Koloniko 17:6

Na tupu loa o lasi lona loto i ala o le Eteleno, ti na toe fakapuli foki e ia i Suta a fakatata mo ganea taualuga.

Lua tosi o Koloniko 20:32

Na saele loa a ia i le ala o lona tamana ko Asa, ti na leaise toe maliu kese loa a ia mei ai, o fai le nea leia e totonu i mua o le Eteleno.

Lua tosi o Koloniko 21:12

Na aumai loa kiate ia se tosi mei le polofeta ko Elia, o pati i ai : Ko leinei le folafola a le Eteleno, le Atua o Tavite, lou tamana : O tupu na leaise ke saele i ala o Sosafate, lou tamana, ti mo ala o Asa, sau o Suta,

Lua tosi o Koloniko 31:1

I le oki o nea fuli ana, ko latou fuli o Iselaele, ala na nofo i ai, na ano loa ki kolo o Suta, ti na lotou maumaui loa a fakatata mo taulaatua, ti na lotou maumaui loa a ganea taualuga fuli mo aletale i Suta katoa mo Pesamino, mo Efalaimi, ti mo Manase. Ti na tasi toe liliu loa a fanau fuli o Iselaele ki lona kolo, mo lona fale.

Lua tosi o Koloniko 31:20

Ko lena le nea leia na fai loa e Esekiasi i Suta katoa ; na fai loa e ia le nea leia e malie, le nea leia e totonu, le nea leia e maoki, i mua o le Eteleno, lona Atua.

Lua tosi o Koloniko 34:7

na maumaui e ia a aletale, na fatifatii e ia a taulaatua mo fakatata, o laliki latou ke efu, na maumaui e ia a fakatata fuli ala na fakatapui ki le laa, i le fenua katoa o Iselaele. Ti na toe liliu loa a ia ki Selusalemi.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Luka 1:75

Ti ke tou saele i ona mua i le maokioki mo le faitotonu i aso fuli o lotatou mauli.

Tetelonome 12:3

Ke kotou soloi loa olatou aletale, ti ke kotou fatifatii loa olatou pou tapu, ti ke kotou tutu loa olatou vao tapu, ti ke kotou maumaui loa a fakatata o olatou atua, ti ke kotou fakapuli loa i ganea ana a nea fuli ala e fakamanatu ai olatou atua.