Lua tosi o Koloniko 13:7 - Tosi Tapu

⁷ Ti kua tanaki mai kiate ia ni tagata noa mo agaveveli, ti kua lotou makeke loa ia Lopoamo, vosa o Salomone ; talie na koi muli fua Lopoamo mo loto gaegae, koia na leaise mafai ai e ia ke tuu kia latou.

Lua tosi o Koloniko 13:7 ပူးပေါင်းရင်းမြစ်များ

Lua tosi a Samuele 3:39

Koi kau gaegae i le aso nei, logo ai kua fakanofo au ko le sau ; ti e koi makeke ake iate au a fenua ana, ko vosa o Teselusa. Ke totogi e le Eteleno ki leia e fai ia le veli, o mulimuli ki lana agaveli !

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Lua tosi o Koloniko 10:16

I le tio loa a Iselaele katoa na leaise fakalogo le sau kia latou, na tali loa le kakai ki le sau : Kolea le nea koi motou pipiki ai mo Tavite ? E leaise nea fua koi motou fakatasi ai mo le vosa lena o Isaia ! Iselaele ! kotou tasi ano ki lona falela ! I le lakaga nei, ke ke tokaga la ki lou puleaga, vosa o Tavite ! Ti na tasi ano loa Iselaele katoa ki lona falela.

Lua tosi o Koloniko 12:13

Na toe fakamakeke loa le sau ko Lopoamo i Selusalemi ti na toe liliu loa a ia ko le sau, ti na sau loa a ia i fetuu e kau fa tupu fitu i Selusalemi, le kolo leia na filifili e le Eteleno i faasiga fuli o Iselaele ke agai ai lona suafa. Na igoa lona tinana ko Naama, fafine Amone.

Sopo 30:8

Ko ni kakai valelea mo vesiainai, Ti e kapu latou ke mavae i le fenua.

Pesalemo 26:4

E leaise kau tonatona fakatasi mo le kau faikakaa, Ti e leaise kau ano fakatasi mo le kau malualoi.

Taagapati 12:11

Ko leia e gaoi ki lana faisaga e makona i le pane, Kae ko leia e makape i muli o ni nea noa e sala atamai.

Taagapati 28:19

Ko leia e gaoi ia lana faisaga e makona i le pane, Kae ko leia e tuli ia ni nea noa e makona i le mativa.

Ekelesiasi 10:16

Malaia ki le fenua leia ko lona sau ko se toe, ti ko ona tama aliki e kai fai mei le usu !

Esaia 3:4

E kau tuku loa kia latou ni pule koi muli, Ti e pule loa ni toe kia latou.

Gaoi 17:5

Kae na apele loa le kau Sutea i le finenonofo. Ti na lotou too loa ni tagata noa ala na lotou tae i ala o le kolo, ke tanaki ia ni kakai, ti mo fakatupu ia ni maveuveu i le kolo. Na lotou ano loa ki le fale o Sasone o afa Paulo mo Silasi ke aumai ki mua o le kakai.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Tetelonome 13:13

Na i ai se kau tagata noa leia na mavae meiate koe ti na fakasalai ia le kakai o le kolo lena o pati : tou ano, o tausi ki ni atua kese, ki ni atua ala e leaise kotou iloa,

Tito 1:10

Talie e toka api latou, tafito i le kau silikosisio kua tafoki, ala e agatuu, mo masau noa, ti mo kaka :

Epelo 5:12

Talie ko koutou, ala kua tonu mei fualoa ke liliu ko ni pule fai sekola, kua aoga ke toe ako atu kia koutou a uluaki lekula o le folafola a le Atua ; kua kotou toe tatau mo latou ala e aoga ki ai le sua pipi kae leai le nea kai makeke.

Tuifakamaau 11:3

Ti na sola loa Sefete o mamao mei ona fetaina, ti na nofo loa a ia i le fenua o Topi. Na fakatasi ake loa ni tagata noa kia Sefete, ti na lotou ano loa o tau mo ia.

Tuifakamaau 9:4

Ti na lotou soli loa kia Amaleke ni fa sikele paaga e kau fitu mei le fale tapu o Paale-Peliti. Na totogi loa e Amaleke, ki le paaga lena, ni tagata veli mo ni tagata folinoa ke lotou mulimuli iate ia.

Uluaki tosi a Samuele 22:2

Ko latou fuli ala na mamae, mo latou fuli ala na tuu maua, mo latou ala na loto veli, na fakatasi ake loa kiate ia, ti na liliu loa a ia ko lolatou pule. Koia na kau loa mo ia ni tagata e tino lelau fa.