Lua tosi o Koloniko 13:5 - Tosi Tapu

⁵ Pe na leaise tonu ke kotou iloa kua soli e le Eteleno, le Atua o Iselaele, le puleaga o Iselaele kia Tavite o lee gato, kiate ia mo ona vosa, i se sai o le patai ?

Lua tosi o Koloniko 13:5 ပူးပေါင်းရင်းမြစ်များ

Lua tosi a Samuele 10:13

Na saele loa Soape mo lana solia o taui le kau Silia, ti na sosola loa le kau Silia i ona mua.

Uluaki tosi o Sau 8:20

Kua fakasoko e le Eteleno le folafola leia na fai e ia. Kua kau tuu ake i le nofoaga o loku tamana ko Tavite, ti kua kau ekeeke i le ekeekeaga fakasau o Iselaele, o fai ki le nea leia na fakasa e le Eteleno, ti kua kau fakatuu le fale ki le suafa o le Eteleno, le Atua o Iselaele.

Uluaki tosi o Koloniko 17:11

Ka katoa loa ou aso, ti e ke moe loa mo ou tamana, e kau lagai loa ki aluga lou sakoga i ou muli, le tasi o ou vosa, ti e kau fakatuu loa lona puleaga ke tuu mau.

Uluaki tosi o Koloniko 17:14

E kau fakanofo loa a ia o lee gato i loku fale ti mo loku puleaga, ti e tuu mau loa lona ekeekeaga fakasau o lee gato.

Lua tosi o Koloniko 6:16

I le lakaga nei, Eteleno, Atua o Iselaele, ke ke fakasoko le fakapapau leia na ke fai kia Tavite, loku tamana, o pati : E leaise ke mativa loa i se aso i oku mua i se tagata leia ke nofo i le ekeekeaga fakasau o Iselaele, o fetogi a koe, ko leia fua ke tokaga ou vosa ki olatou ala ti ke lotou saele i laku lao ofaipe lau saele i oku mua.

Neemia 5:9

Ti na kau pati loa : Ko le nea leia e kotou fai e leaise malie. Pe na leaise tonu ke kotou saele i le i ki lotatou Atua, o tupu ke aua na lauvelii tatou e puleaga ala e fili mai kia tatou ?

Taagapati 1:29

O tupu na lotou vesia ki le iloa, Ti na leaise lotou filifili le i ki le Eteleno,

Selemia 33:26

E kau tiaki loa le sakoga o Sakopo mo Tavite, laku tagata fakasausau, Ti e leaise kau toe too loa i lona sakoga latou ala e pule loa Ki fanau a Apalaamo, mo Isaake, mo Sakopo. Talie e kau toe aumai loa lolatou kau popula, ti e kau alofa loa kia latou.

Esekiele 43:24

E ke momoli loa a manu ana i mua o le Eteleno ; e laku loa e tagata faisakilifisio se patai ki manu ana, ti e lotou momoli loa latou ko se failaulau ki le Eteleno.

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Levitiko 2:13

E ke liligi loa se patai ki au moliga nea kai fuli ; e leaise ke tuku loa lau moliga ke sala patai, talie ko le patai ko le fakamailoga a ia o le sai leia kua fai e le Atua mo koutou. Koia e tonu ai ke ke tuku se patai i aluga o au moliga fuli.

Numelo 18:19

E kau soli kiate koe, mo ou vosa, ti mo ou taineliki, i se lao tuku sosolo, a moliga tapu fuli ala e ave loa e fanau a Iselaele ki le Eteleno i le siki. Ko se fakapapau a ia e leaise feala ke maumaui ti e tuu a ia o lee gato i mua o le Eteleno, kiate koe mo lou sakoga.

Lua tosi a Petelo 3:5

E leaise lotou fia iloa le nea leinei : Na maua i mua ni atu lagi i le folafola a le Atua, ti mo se malama nei leia na toso mei le vai ti na fai ki le vai,

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.

Uluaki tosi a Samuele 16:12

Na kakau loa e Isaia ke ano o afa mai a ia. Ko leinei, na kena a ia, mo mata malie, mo fuafua tatau. Na pati loa le Eteleno kia Samuele : Tuu ki aluga, pani a ia ki le lolo talie ko ia lena !