Lua tosi o Koloniko 12:5 - Tosi Tapu

⁵ Na ano loa Semaesa, le polofeta, kia Lopoamo mo pule o Suta ala na sosola ki Selusalemi i le fakafeofi mai a Sisake, ti na pati loa Semaesa kia latou : Ko leinei le folafola a le Eteleno : Kua koutou tiaki au ; koia kua kau tiaki ai koutou, ti kua kau tuku ai koutou ki lima o Sisake.

Lua tosi o Koloniko 12:5 ပူးပေါင်းရင်းမြစ်များ

Lua tosi a Samuele 24:14

Na tali loa Tavite kia Kate : E kau nofo i se i lasi ai ! Oi ! Ke tou vilo ki lima o le Eteleno, talie e lasi ai lona manava alofa ; kae ke aua na kau vilo ki lima o tagata !

Uluaki tosi o Sau 12:22

Kae na fakasa loa le folafola a le Atua kia Semaesa, tagata a le Atua, o pati :

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 11:2

Kae na tuku loa le folafola a le Eteleno kia Semaesa, tagata a le Atua, o pati :

Lua tosi o Koloniko 12:15

Ko gaoi a Lopoamo, a uluaki mo fakamuli, pe leaise tosi latou i tosi a Semaesa, le polofeta, ti mo tosi a le polofeta ko Ito, i tosi sologa. Na tau tuumau loa Lopoamo mo Selopoamo.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 24:20

Na ifo loa le Laumalie o le Atua kia Sakalia, vosa o le tagata faisakilifisio ko Seosata, ti na ano loa a ia ki mua o le kakai, o pati kia latou : Ko leinei le folafola a le Atua : Kolea e kotou maumaui ai a folafola a le Eteleno ? E leaise kotou manuia loa ; o tupu na kotou tiaki le Eteleno, kua tiaki loa e ia koutou.

Pesalemo 37:33

Kae e leaise tuku a ia e le Eteleno ki ona lima, Ti e leaise fakatua e ia a ia mo ka fakamaau a ia.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 23:33

Kapau e vesili atu kiate koe le kakai leinei, pe ko se polofeta, pe ko se tagata faisakilifisio : Kolea le kavega mamafa a le Eteleno ? E ke pati loa kia latou : Ko koutou ala ko se kavega mamafa, e pati le Eteleno, Koia e kau tiaki ai loa koutou.

Selemia 4:18

Ko le fua lena o ou ala mo au gaoi, Ko le fua lena o lou agaveli ; E maoki e kona le nea lena, e ulu a ia o kaku ki lou mafu.

Selemia 5:19

Kapau e kotou pati loa i le aso lena : Kolea e fai ai e le Eteleno, lomatou Atua, a nea fuli anei kia matou ? E ke tali loa kia latou : Talie na kotou tiaki au, Ti na kotou tausi ki ni atua matapule i lokoutou fenua, Koia e kotou popula loa ki ni matapule i se fenua leia e leaise ko lokoutou fenua.