Lua tosi o Koloniko 12:3 - Tosi Tapu

³ Na pale mai loa le sau o Esipito mo se solia ko tagata e tino ono afe mo ni saliote e kau lelau lua afe ; na au loa a ia mei Esipito mo se kakai leia na leaise mafai ke lau, ko le kau Lipia, mo le kau Suki, ti mo le kau Etiopia.

Lua tosi o Koloniko 12:3 ပူးပေါင်းရင်းမြစ်များ

Lua tosi a Samuele 10:18

Kae na sosola loa le kau Silia i mua o Iselaele. Ti na tamate loa e Tavite a kau tau o saliote e kau lelau fitu ti mo ni tagata ekeosi e tino fa afe ; na tamate foki e ia le pule o lalatou solia ko Sopake.

Lua tosi o Sau 7:6

Na fakagugulu e le Aliki i le loto o le nofolaga tau o le kau Silia se logoa o ni kau saliote ti mo se logoa o ni kau osi, le logoa o se fa solia api ai, ti na femasauaki loa le kau Silia ia latou : Ko leinei, kua totogi e le sau o Iselaele a sau o le kau Eti mo sau o le kau Esipito ke au o taui tatou.

Lua tosi o Koloniko 14:12

Na tuli loa latou e Asa mo le kakai leia na nofo mo ia o kaku ki Kela, ti na mamate loa le kau Etiopia i le ala, o leaise toe sao fua se tasi, talie na maumaui latou e le Eteleno mo lana kau tau. Na maua loa e Asa mo lona kakai se koloa lasi i le tau lena ;

Lua tosi o Koloniko 14:8

Na saele loa Selake, le Etiopia, mo se solia ko ni tagata e miliona mo ni saliote e kau lelau tolu, ke taui a Asa, ti na kaku loa a ia ki Malesa.

Lua tosi o Koloniko 14:9

Na saele loa a Asa ki ona mua, ti na lotou fakatuutuu tau loa i le vaivailiua o Sefata, ofi ki Malesa.

Lua tosi o Koloniko 16:8

Pe na leaise maua e le kau Etiopia mo le kau Lipia se solia makeke ? Pe na leaise lotou maua ni saliote tau mo ni tagata ekeosi mauke ai ? Kae logo ai a nea fuli ana, na tuku latou e le Eteleno ki ou lima, talie na ke fanaki kiate ia.

Esaia 43:3

Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Esekiele 30:5

Ko Etiopia, mo Puti, mo Luti, mo Alapia katoa, mo Kupi, Ti mo vosa o le fenua leia e kau mo latou, E vivilo loa mo latou i le seleta ;

Taniela 11:43

E soko loa a ia o pule ki koloa aulo mo siliva, ti mo nea mauiga fuli o Esipito ; ti e muli loa le kau Lipia mo le kau Etiopia iate ia.

Naume 3:9

Na fai lona makeke e Etiopia mo Esipito ala na api ola kakai, Ti na tokoi kiate ia a Puti mo le kau Lipia.

Apokalipisi 9:16

Ko le api o le kau tagata eke osi o le fa solia ko tino lelau e lua miliona : Na kau logo loa ki le numelo lena.

Tuifakamaau 4:13

Ti na fakatasii loa e Sisela ana saliote ukamea e kau lelau iva mo lana solia katoa i Aloseti-Koimi, ti na lotou mavae loa i lena o ano ki le liua o Kisoni.

Tuifakamaau 6:5

Talie na lotou pale loa mo alatou kau manu ti mo olatou falela, na lotou ano ofaipe se ao seseivaka, na lotou api lasi ai, latou mo olatou kamelo, ti na lotou au loa ki le fenua ke maumaui a ia.

Uluaki tosi a Samuele 13:5

Na fakatasi loa le kau Filisitini ke taui a Iselaele. Na lotou maua ni saliote e afe mo ni tagata ekeosi e ono afe, ti na toka api ai le kakai lena pe le one i le mata tai. Na lotou au loa o nonofo i Mikimase, i le potu esite o Pete-Aveni.