Lua tosi o Koloniko 12:1 - Tosi Tapu

¹ I le temi na makeke ai Lopoamo i lona puleaga ti na makeke ai lona puleaga, na tiaki loa e ia le lao a le Eteleno, ti na tiaki loa e Iselaele katoa le lao a le Eteleno o mulimuli kiate ia.

Lua tosi o Koloniko 12:1 ပူးပေါင်းရင်းမြစ်များ

Uluaki tosi o Sau 12:17

Na pule loa Lopoamo ki fanau tefua o Iselaele ala na nonofo i kolo o Suta.

Uluaki tosi o Sau 14:21

Na sau loa Lopoamo, vosa o Salomone, i Suta. Na fetuu kau fa tupu tasi a ia i le temi na sau ai, ti na sau loa a ia i fetuu e kau agafulu tupu fitu i Selusalemi, le kolo leia na filifili e le Eteleno i faasiga fuli o Iselaele ke tuku ai lona suafa. Na igoa lona tinana ko Naama, ko se fafine Amone.

Uluaki tosi o Sau 9:9

Ti e tali loa : Talie na lotou tiaki le Eteleno lolatou Atua, leia na fakamavae ia olatou tamana mei le fenua o Esipito, talie kua lotou pipiki ki ni atua kese, ti kua lotou tulolo i mua o atua ana mo tausi kia latou ; ko lena le tupuaga o le kakau mai e le Eteleno o malaia fuli ana kia latou.

Lua tosi o Sau 17:19

Ti na leaise taupau foki e Suta totonu a folafola a le Eteleno, lona Atua, kae na lotou mulimuli ki agai fenua ala na fakatuu e Iselaele.

Lua tosi o Koloniko 11:17

Na lotou fakamakeke loa i ai le puleaga o Suta mo le pule a Lopoamo, vosa o Salomone, i le lolotoga o fetuu e tolu ; talie na lotou saele loa i fetuu e tolu i le ala o Tavite mo Salomone.

Lua tosi o Koloniko 11:23

Na fai fakapotopoto loa a ia, o fakamavetevete ona vosa fuli i le fenua katoa o Suta mo Pesamino, mo kolo tau fuli, ti na soli loa e ia kia latou ni magiti o lasi ai, ti na afa loa e ia kia latou ni avaga mauke ai.

Lua tosi o Koloniko 11:3

Masau kia Lopoamo, vosa o Salomone, sau o Suta ti mo Iselaele katoa i Suta mo Pesamino. Ti ke pati loa kia latou :

Lua tosi o Koloniko 12:13

Na toe fakamakeke loa le sau ko Lopoamo i Selusalemi ti na toe liliu loa a ia ko le sau, ti na sau loa a ia i fetuu e kau fa tupu fitu i Selusalemi, le kolo leia na filifili e le Eteleno i faasiga fuli o Iselaele ke agai ai lona suafa. Na igoa lona tinana ko Naama, fafine Amone.

Lua tosi o Koloniko 24:18

Ti na lotou tiaki loa le fale o le Eteleno, le Atua o olatou tamana, kae lotou tausi loa ki Asetalate mo taulaatua. Na vilo loa le sausau o le Eteleno ki Suta mo Selusalemi, o tupu ko agasala ana.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Oseo 13:1

Ka masau Efalaimi, ko se nea fakaii ai. Na malaga a ia ki aluga i Iselaele. Kae na agasala a ia ia Paale, ti na mate a ia.

Mikea 6:16

E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:18

Io, Iselaele, na ke tiaki loa le Utu leia na fakatupu ia a koe, Ti na ke galoi loa le Atua leia na fanaui ia a koe.

Tuifakamaau 2:15

I temi fuli ala na lotou ano ai o tau, na fakafesagai loa le lima o le Eteleno kia latou, o fai kia latou se nea veli, o mulimuli ki le nea leia na fakasa e le Eteleno kia latou, o mulimuli ki le nea leia na fakapapau e le Eteleno kia latou. Ti na lotou nonofo loa i se mamae lasi ai.