Lua tosi o Koloniko 11:10 - Tosi Tapu

¹⁰ mo Tesolea, mo Asaloni, mo Epelone, ala na tuu i Suta mo Pesamino, ti na fakaliliu loa e ia latou ko ni kolo tau.

Lua tosi o Koloniko 11:10 ပူးပေါင်းရင်းမြစ်များ

Lua tosi a Samuele 2:11

Ko le fualoa o le temi na sau ai Tavite i Epelone ki le fale o Suta ko fetuu e fitu mo masina e ono.

Sosue 20:7

Na lotou filifili loa Ketesi i Kalilea, i le mauga o Nefetali ; mo Siseme, i le mauga o Efalaimi ; mo Kiliate-Alepa, leia ko Epelone, i le mauga o Suta.

Sosue 15:33

Ko kolo o le fenua taulalo ko : Esetaoli, mo Solea, mo Asena ;

Sosue 14:14

Koia na maua ai loa e Kalepo, vosa o Sefune, tagata Kenati, le kolo ko Epelone, ko lona tofiga, o tupu na mulimuli katoa a ia i le ala o le Eteleno, le Atua o Iselaele.

Numelo 13:22

Na lotou ulu loa ki le potu Saute ti na lotou ano loa o kaku ki Epelone, leia na nonofo ai a vosa o Anake ko Asimani, mo Sesai, mo Talamai. Na laga Epelone i ni fetuu e fitu i mua o le laga o Tesoane i Esipito.

Senesi 23:2

Na mate loa a Sala i Kiliate-Alepa, leia ko Epelone, i le fenua o Kanaane ; ti na fai loa e Apalaamo le putu o Sala, ti na tagi loa a ia kiate ia.

Sosue 10:12

Ti na masau loa Sosue ki le Eteleno, i le aso leia na tuku ai loa e le Eteleno le kau Amole ki fanau a Iselaele, ti na pati loa a ia i mua o Iselaele : Laa, ke ke tuu mau i aluga o Kapaone ! Ti mo koe, Masina, ke ke talitali i aluga o le vaivailiua o Asaloni !

Sosue 10:36

Na mavae loa Sosue mo fanau fuli o Iselaele i Ekeloni o ano ki Epelone, ti na lotou taui loa a ia.

Lua tosi o Koloniko 11:9

mo Atolaimi, mo Lakisi, mo Aseka,

Lua tosi o Koloniko 11:11

Na fakamakeke loa e ia latou, ti na fakanofo loa e ia i ai ni kovana, ti na fakatuu loa e ia i ai ni fale koloa ke tanaki ai a magiti, mo lolo, ti mo vino.

Sosue 15:13

Na soli loa kia Kalepo, vosa o Sefune, se tofiga i loto malie o vosa o Suta, o mulimuli ki le nea leia na fakatotonu e le Eteleno kia Sosue. Na soli loa kiate ia le kolo ko Kiliate-Alepa, leia ko Epelone : ko Alapa ko le tamana o le kau Anake.

Lua tosi a Samuele 2:1

I le oki o le nea lena, na afa loa e Tavite le finegalo o le Atua, o pati : Pe kau pale loa ki se kolo i kolo o Suta ? Na tali loa le Eteleno kiate ia : Pale. Na pati loa Tavite : E kau pale loa kifea ? Ti na tali loa le Eteleno : Ki Epelone.

Lua tosi o Koloniko 28:18

Na fai loa e le kau Filisitini se ulu tau ki kolo i le laumalie mo le potu saute o Suta ; na lotou too loa Pete-Semesi, mo Asaloni, mo Keteloti, mo Soko mo kolo ala na fakalogo ki ai, mo Timena mo kolo ala na fakalogo ki ai, mo Kimeso mo kolo ala na fakalogo ki ai, ti na lotou nonofo loa i ai.