Lua tosi o Koloniko 10:16 - Tosi Tapu

¹⁶ I le tio loa a Iselaele katoa na leaise fakalogo le sau kia latou, na tali loa le kakai ki le sau : Kolea le nea koi motou pipiki ai mo Tavite ? E leaise nea fua koi motou fakatasi ai mo le vosa lena o Isaia ! Iselaele ! kotou tasi ano ki lona falela ! I le lakaga nei, ke ke tokaga la ki lou puleaga, vosa o Tavite ! Ti na tasi ano loa Iselaele katoa ki lona falela.

Lua tosi o Koloniko 10:16 ပူးပေါင်းရင်းမြစ်များ

Lua tosi a Samuele 15:13

Na au loa se tasi o fakasa le nea lena kia Tavite, o pati kiate ia : Kua afe le loto o le kakai o Iselaele kia Apesalone.

Lua tosi a Samuele 16:11

Ti na pati loa Tavite kia Apisai mo ana tagata fakasausau fuli : Ko leinei, ko loku vosa, leia na ifo mei oku tootooga, e afa ki loku mauli ; ti e feaki ake loa le tagata lena o Pesamino ! Tuku a ia ke fakamalaia, talie kua pati le Eteleno kiate ia.

Lua tosi a Samuele 20:1

Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Uluaki tosi o Sau 11:13

Kae e leaise kau saei loa le puleaga katoa ; e kau tuku loa se faasiga e tasi ki lou vosa, o tupu ko Tavite, laku tagata fakasausau, ti mo Selusalemi, leia na kau aga o filifili.

Uluaki tosi o Koloniko 17:14

E kau fakanofo loa a ia o lee gato i loku fale ti mo loku puleaga, ti e tuu mau loa lona ekeekeaga fakasau o lee gato.

Lua tosi o Koloniko 10:17

Na sau loa Lopoamo ki fanau a Iselaele ala na nonofo i Suta toka tasi.

Lua tosi o Koloniko 10:19

Na mavae loa Iselaele i ai mei le fale o Tavite o kaku mai ki le aso nei.

Pesalemo 132:17

I Sione, e kau lagai loa ki aluga le mafimafi o Tavite, E kau teuteui loa se fa malama ki loku filifiliia,

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Esaia 11:1

Ti e somo ake loa se ga laa i le tafito o Isaia, Ti e tupu ake loa se uli i ona aka.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Soane 6:66

Talu mei ai na mavae loa se toka api o lana kau tisipulo, ti na leaise lotou toe ano loa mo ia.

Soane 7:53

Ti na tasi ano loa ki lona fale.

Gaoi 2:30

Talie na polofeta a ia, ti na iloa e ia na fakapapau ake e le Atua kiate ia e fakaeke loa e ia se tasi i lona sakoga totonu ki lona ekeekeaga fakasau,

Uluaki tosi ki le kau Kolinto 15:25

Talie e tonu ke pule a ia o kaku ki lana tuku ia ona fili fuli ki lalo o ona vae.

Apokalipisi 22:16

Ko au Sesu, kua kau kakau mai laku aselo ke fakasa atu kia koutou a nea anei i atu Ekelesia. Ko au ko le afusa mo le sakoga o Tavite, ko le fetuu ao gigila.

Tuifakamaau 8:35

Ti na leaise lotou fakasa ia loa se loto alofa ki le famili o Selupaale, leia ko Seteone, o tupu ko gaoi malilie fuli ala na fai e Selupaale ki Iselaele.

Uluaki tosi a Samuele 20:27

I leia ake a aso, ko le lua aso o le masina foou, na lavaki aifai le nofoaga o Tavite. Ti na pati loa Saulo kia Sonatane, lona vosa : Kolea na leaise sa ai le vosa o Isaia i le kai i nanafi mo le aso nei ?

Uluaki tosi a Samuele 22:13

Na pati loa Saulo kiate ia : Kolea kua kolua kau ai kiate au, a koe mo le vosa o Isaia ? Kolea na ke soli ai kiate ia se pane mo le seleta, ti na ke afa ai kiate ia le finegalo o le Atua, o tupu ke malaga a ia kiate au ti ke fakatuu e ia ni masele kiate au, ofaipe lana fai i le aso nei ?

Uluaki tosi a Samuele 22:7

Na pati loa Saulo ki ana tagata fakasausau ala na tutuu i ona tafa : Kotou fakalogo mai, kakai o Pesamino ! Pe soli atu kia koutou fuli e le vosa o Isaia ni faisaga mo ni vite ? Pe filifili loa e ia koutou fuli ke liliu ko pule o tino afe pe ko tino lelau ?

Uluaki tosi a Samuele 22:9

Na tali loa Toeke, tagata Etome, pule o tagata fakasausau a Saulo : Na kau tio ki le vosa o Isaia na au ki Nope kia Asimeleke, vosa o Asitupe.