Lua tosi o Koloniko 10:11 - Tosi Tapu

¹¹ Ko leinei, na teki e loku tamana se amoga mamafa kia koutou, ti ko au, e kau fakaliliu loa a ia ke toe mamafa ake ; na ta koutou e loku tamana ki le suipi, kae ko au, e kau ta loa koutou ki le laakau talatala.

Lua tosi o Koloniko 10:11 ပူးပေါင်းရင်းမြစ်များ

Lua tosi o Koloniko 10:10

Ti na tali loa le kau tupulaga, o pati : E ke masau feneeki loa ki le kakai lena na masau fenaaki atu kiate koe : Na fakaliliu e lou tamana lamatou amoga ke mamafa, ti ko koe, ke ke fakamaamaa a ia kia matou ! E ke masau loa kia latou o feneeki : E fualasi ake loku ga maikao tusi i le koga loto o loku tamana.

Lua tosi o Koloniko 10:12

Na au loa Selopoamo mo le kakai katoa kia Lopoamo i le oki o aso e tolu, o mulimuli ki le pati a le sau : Kotou toe liliu mai kiate au mo ka oki aso e tolu.

Ekesote 5:18

Ke kotou ano nei o gaoi ; e leaise toe soli atu kia koutou se mutie malo, kae kotou fai loa ke katoa le piliki ofaipe le masani.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Esaia 58:6

Ko leinei le sesunio leia e kau fiafia ai : Vevete a tini o le agaveli, Tatala a sai o le popula, Tuku ke lauatea latou e mafaia, Ti ke motusi a amoga kesekese fuli.

Mateo 11:29

Kotou amo laku laakau taki, ti kotou tali aku akonaki, talie e kau agamalu mo loto fakataulalo ; ti e kotou maua loa le malolo ki okoutou laumalie.

Luka 10:19

Ke kotou iloa na kau tuku kia koutou le makeke ke takatakafi ai a gata, mo sekolopio, ti mo le makeke katoa o le fili ; ti e leaise mafai loa ke fakavelii koutou e se nea.

Apokalipisi 9:10

Ti na lotou maua ni siku kua teuteui ki tala kona, ofaipe sekolopio, ti na maua i olatou siku le makeke ke tautea ai a tagata i masina e lima.

Apokalipisi 9:3

Ti na mafuta loa mei le afu ni seseivaka, o mavetevete i le kele ; ti na soli loa kia latou se pule veli ofaipe le pule veli leia na maua e sekolopio o le kele.

Apokalipisi 9:5

Ti na soli loa kia latou, ke aua na lotou tamate a tagata, kae ke lotou fakamaemaei latou i masina e lima ; ti ko le mamae leia na fakatupu e seseivaka na faipe le mamae leia e fai e le sekolopio mo ka uuti e ia se tagata.

Uluaki tosi a Samuele 8:18

Ti e kotou kalaga loa ki lokoutou sau leia ka kotou filifili loa, kae e leaise tali loa le Eteleno kia koutou.