Lua tosi o Koloniko 1:8 - Tosi Tapu

⁸ Na tali loa Salomone ki le Atua : Kua ke fakasa lou agamalie mo lou agatonu ki loku tamana ko Tavite, ti kua ke fakanofo au ko le sau, o fetogi a ia.

Lua tosi o Koloniko 1:8 ပူးပေါင်းရင်းမြစ်များ

Lua tosi a Samuele 22:51

E soli e ia ni saofaki lalasi ki lona sau, Ti e fakasa e ia lona manava alofa ki lona filifiliia, Kia Tavite, mo lona sakoga, o lee gato.

Uluaki tosi o Sau 3:6

Na tali loa Salomone : Kua ke fakasa lou alofa ki lau tagata fakasausau ko Tavite, loku tamana, talie na saele a ia i ou mua i le agatonu, mo le maokioki, ti mo lona loto katoa kiate koe ; na ke taupau kiate ia le alofa lasi lena, ti na ke soli kiate ia se vosa leia kua ekeeke i lona ekeekeaga fakasau, ofaipe le nea kua tio ki ai i le aso nei.

Uluaki tosi o Koloniko 17:16

Ti na ano loa le sau ko Tavite ki mua o le Eteleno, o pati : Ko ai au, Eteleno Atua, ti ko ai loku fale, ke ke ave au ki le ganea leia kua kau nofo ai ?

Uluaki tosi o Koloniko 28:5

I oku vosa fuli, talie na soli mai e le Eteleno kiate au ni vosa mauke, na filifili e ia loku vosa ko Salomone ke eke ki le ekeekeaga fakasau o le puleaga o le Eteleno ke sau ki Iselaele.

Uluaki tosi o Koloniko 29:23

Na eke loa Salomone ki le ekeekeaga fakasau o le Eteleno, ko le sau, o fetogi Tavite, lona tamana. Na manuia loa a ia, ti na fakalogo loa Iselaele katoa kiate ia.

Uluaki tosi o Koloniko 29:28

Na mate loa Tavite i lona matua malie, kua lasi ona aso, mo lona koloa, ti mo lona kololia, ti na sau loa Salomone, lona vosa, o fetogi a ia.

Pesalemo 86:13

Talie e lasi ai lou agamalie kiate au, Ti kua ke saofaki loku laumalie mei le nofoaga loloto o le kau mate.

Pesalemo 89:49

Pe i ai se tagata leia e mafai ke mauli kae leaise tio ki le mate, Leia e mafai ke saofaki ia lona laumalie mei le nofoaga o le kau mate ? - Manava.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.