Lua tosi o Koloniko 1:3 - Tosi Tapu

³ ti na ano loa Salomone mo le fakatasiga katoa ki le ganea tapu leia na tuu i Kapaone. Na tuu i ai le falela tapu o le Atua, leia na fai e Moisese, tagata fakasausau a le Eteleno i le toafa ;

Lua tosi o Koloniko 1:3 ပူးပေါင်းရင်းမြစ်များ

Uluaki tosi o Sau 8:4

Na lotou amo loa le aleka o le Eteleno, mo le falela tapu, ti mo nea gaoi tapu fuli ala na tuku i le falela : Ko le kau tagata faisakilifisio mo le kau Levi ala na amo ia loa a nea ana.

Uluaki tosi o Koloniko 16:39

Na fakanofo loa e ia le tagata faisakilifisio ko Satoke mo le kau tagata faisakilifisio, ona fetaina, i mua o le tapenakulo o le Eteleno, i le ganea tapu leia na tuu i Kapaone,

Uluaki tosi o Koloniko 21:29

Kae na tuku le tapenakulo o le Eteleno, leia na fau e Moisese i le toafa, ti mo le aletale o failaulau, i le ganea taualuga o Kapaone i le temi lena.

Lua tosi o Koloniko 1:13

Na toe liliu loa Salomone ki Selusalemi, mei le ganea tapu leia na tuu ai le falela tapu i Kapaone. Ti na sau loa a ia i Iselaele.

Ekesote 36:8

Ko tagata poto fuli, ala na gaoi ki le falela, na fai ia loa le tapenakulo ki ni tapi e kau agafulu, ala na fai ki le filo tea makeke, mo le filo usi, mo kula malie, ti mo kula fakapouli ; na paaki loa i ai ni selupino o tui fakateuteu.

Ekesote 40:2

I le uluaki aso o le uluaki masina, e ke fakatuu loa le tapenakulo, le falela tapu.

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Levitiko 1:1

Na kalagai loa e le Eteleno a Moisese, o masau kiate ia mei le loto o le falela tapu, o pati :

Tetelonome 34:5

Na mate loa Moisese, tagata fakasausau a le Eteleno i lena, i le fenua o Moape, o mulimuli ki le fakatotonu a le Eteleno.

Sosue 9:3

I lolatou fetuu, na logo foki le kakai o Kapaone, kakai Evi, ki le nea leia na fai e Sosue ki Seliko mo Ai,