Lua tosi o Koloniko 1:2 - Tosi Tapu

² Na tuku loa e Salomone ni fakatotonu ki Iselaele katoa, ki pule o tino afe mo tino lelau, mo tui fakamaau, mo pule fenua o Iselaele katoa, ti mo pule o fale fakatamana ;

Lua tosi o Koloniko 1:2 ပူးပေါင်းရင်းမြစ်များ

Uluaki tosi o Sau 3:4

Na ano loa le sau ki Kapaone, o momoli i ai ana sakilifisio, talie ko le ganea taualuga tafito a ia. Na momoli loa e Salomone a failaulau e afe i aluga o le aletale.

Uluaki tosi o Koloniko 13:1

Na fai loa e Tavite se fono mo le kau pule solia o tino afe mo tino lelau, mo le kau aliki mauiga fuli.

Uluaki tosi o Koloniko 15:12

Na pati loa Tavite kia latou : Ko pule koutou o famili o le kau Levi ; ke kotou fakamea, a koutou mo okoutou fetaina, ti ke kotou paleaki mai le aleka o le Eteleno, o le Atua o Iselaele, ki le ganea leia kua kau teuteui kiate ai.

Uluaki tosi o Koloniko 15:3

Ti na fakatasii loa e Tavite a Iselaele katoa ki Selusalemi, o tupu ke paleaki ake le aleka o le Eteleno ki le ganea leia na teuteui e ia kiate ia.

Uluaki tosi o Koloniko 24:31

Na toso foki latou, ofaipe olatou fetaina, vosa o Alone, a alatou gaoi i le tausi, i mua o le sau ko Tavite, mo Satoke, mo Asimeleke, mo pule famili o le kau tagata faisakilifisio mo le kau Levi : na fai fenaaki foki ki pule famili taki tasi fuli, o tatau ki leia e mua mo leia e muli.

Uluaki tosi o Koloniko 24:4

Na maua loa na toka api ake le kau pule o le sakoga o Eleasale i le kau pule o le sakoga o Itamale, koia na fakavaevae ai loa a vosa o Eleasale i pule o fale fakatamana e kau agafulu tupu ono, ti ko vosa o Itamale i pule o fale fakatamana e valu.

Uluaki tosi o Koloniko 27:1

Ko fanau a Iselaele o mulimuli ki lolatou api, pule o fale fakatamana, pule o tino afe mo tino lelau, kovana ki le tausi o le sau mo nea fuli o uiga mo lakaga, latou e ulu mo latou e mavae, ti mo lolatou fetofetogi i masina fuli o le fetuu. Na tino lua tupu fa afe le fa solia taki tasi.

Uluaki tosi o Koloniko 28:1

Na fakatasii loa e Tavite a pule fuli o Iselaele, a pule o faasiga, mo pule o kau gaoi ala na gaoi ki le sau, mo pule o tino afe mo tino lelau, latou ala na tokaga ki koloa mo kau manu a le sau, mo latou ala na tokaga ki ona vosa, le kau enuke, mo tagata makeke, ti mo tagata toa fuli.

Uluaki tosi o Koloniko 29:1

Na pati loa le sau ko Tavite ki le kakai katoa : Koi muli ai ti koi gaegae ai loku vosa ko Salomone, leia kua filifili e le Atua, kae e lasi ai le gaoi, ti e leaise ko se fale sau leinei ki se tagata, kae ko le fale o le Eteleno Atua.

Lua tosi o Koloniko 1:3

ti na ano loa Salomone mo le fakatasiga katoa ki le ganea tapu leia na tuu i Kapaone. Na tuu i ai le falela tapu o le Atua, leia na fai e Moisese, tagata fakasausau a le Eteleno i le toafa ;

Lua tosi o Koloniko 29:20

Na tuu ake loa le sau koi usuusu, o fakatasii a pule o le kolo, ti na pale loa a ia ki le fale o le Eteleno.

Lua tosi o Koloniko 30:2

Na fakakaukau loa le sau, mo lana kau pule, ti mo le fakatasiga katoa i Selusalemi, ke fai le Pasikate i le lua o masina ;