Lua tosi a Soane 1:9 - Tosi Tapu

⁹ Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.

Lua tosi a Soane 1:9 ပူးပေါင်းရင်းမြစ်များ

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Luka 10:22

Kua tuku mai kiate au a nea fuli e loku Tamana. E leaise iloa e se tasi pe ko ai le Alo, ko le tamana toka tasi fai ; ti e leaise iloa e se tasi pe ko ai le Tamana, ko le Alo toka tasi fai ti mo leia e loto le Alo ke fakasa a ia ki ai.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Soane 8:31

Ti na pati loa a ia ki le kau Sutea ala na tui kiate ia : Kapau e kotou nonofo mau i laku folafola, ti ko aku tisipulo maoki koutou ;

Gaoi 2:42

Na lotou kataki fualoa i le akonaki a le kau apositolo, mo le komunio fakatautaina, mo le tofitofi o le pane, ti mo faikole.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Tito 2:10

ke aua na lotou kaia, kae ke lotou fakasa tuumau se agatonu mo agamalie tuumau kia latou i nea fuli, o tupu ke lotou fakasa i nea fuli le kololia o le akonaki a le Atua ko lotatou Fakamauli.

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Epelo 6:1

Koia foki, ke tuku ki muli a uluaki folafola a Kilisito, tou fai atu ki le nea leia e malie tukupau ; kae aua na toe teki le fakatafito o le fakafiti ki gaoi mate,

Uluaki tosi a Soane 1:3

ko le nea leia na motou tio ki ai ti na motou logo ki ai, e motou fakasa atu a ia kia koutou foki, o tupu ke kotou komunio fakatasi foki mo matou. Ti ko lamatou komunio e fakatasi mo le Tamana mo lona Alo ko Sesu-Kilisito.

Tolu tosi a Soane 1:9

Na kau tosi ni ga kupu ki le Ekelesia ; kae ko Tiotelefo leia e fia tuu mua ia latou, e leaise koi fakatalitali e ia matou.