Lua tosi a Soane 1:4 - Tosi Tapu

⁴ Na kau fiafia lasi ai i le maua o ni iki o au fanau ala e saele i le maoki, o mulimuli ki le fakatotonu leia na tou maua mei le Tamana.

Lua tosi a Soane 1:4 ပူးပေါင်းရင်းမြစ်များ

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Malakia 2:6

Na nofo le lao o le maoki i lona loto, Ti na leaise maua le agaveli i ona laugutu ; Na saele a ia mo au i le tokamalie mo le maoki, Ti na fakamaliu e ia mei le veli ni tagata toka api.

Uluaki tosi ki le kau Kolinto 13:6

e leaise fiafia a ia i le nea leia e sala, kae e fiafia a ia i le maoki ;

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Filipe 4:10

Na kau logoi se fiafia lasi i le Aliki i laku tio kua kotou toe fakafoou le maoki o lokoutou alofa kiate au ; ko le maoki, na kotou manatu tuumau kiate au, kae na leaise kotou maua ia fua se faigamalie ke fakasa ai a ia.

Uluaki tosi a Soane 2:6

Ko leia e pati e nofo iate Ia, e tonu ke saele foki a ia ofaipe Ia totonu.