Lua tosi a Samuele 8:3 - Tosi Tapu

³ Na taai loa foki e Tavite a Atatesele, vosa o Leopi, sau o Tesopa, i le temi na ano ai loa a ia o toe fakatuu lana pule i le fenua o le vaitafe ko le Eufalate.

Lua tosi a Samuele 8:3 ပူးပေါင်းရင်းမြစ်များ

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Lua tosi a Samuele 10:15

I le tio a le kau Silia, kua lotou lava i Iselaele, na lotou toe fakatasii loa olatou makeke.

Lua tosi a Samuele 10:16

Na kakau loa e Atatesele ke afa mai le kau Silia ala na nonofo i leia ake fetuu o le vaitafe ; ti na lotou au loa ki Elami, ti na taki loa latou e Sopake, le pule o le solia a Atatesele.

Lua tosi a Samuele 10:19

Ko sau fuli ala na fakalogo kia Atatesele, i le tio kua taai latou e Iselaele, na lotou kole loa le tokamalie mo Iselaele, ti na lotou popula loa kiate ia. Ti na leaise toe toa loa le kau Silia ke toe tokoi ki vosa o Amone.

Lua tosi a Samuele 10:6

I le tio loa o vosa o Amone ki le fakalialia o le nea leia na lotou fai kia Tavite, na lotou totogi loa a kau tagata solia e tino lua afe i le solia a le kau Silia o Pete-Leopi mo le kau Silia o Tesopa, mo kau tagata e tino afe i le sau o Maaka, ti mo kau tagata e tino agafulu tupu lua afe i le kakai o Tope.

Lua tosi a Samuele 23:36

Ko Sikeale, vosa o Natane, mei Tesopa. Ko Pani, mei Kate.

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Uluaki tosi o Koloniko 18:3

Na tamate loa e Tavite a Atalesele, sau o Tesopa, i Amate, i le lolotoga ano a Atalesele ke fakamakeke lana pule ki le Eufalate.

Lua tosi o Koloniko 8:3

Na ano loa Salomone o taui le kolo ko Amati i Tesopa, ti na maua loa e ia a ia.

Pesalemo 60:1

Ki le pule o le kau sua. I le nota o le lilio fakaaloalofa. Imi a Tavite, ke ako.

Pesalemo 72:8

E pule loa a ia mei se tasi a tai ki le tasi a tai, Ti mei le vaitafe lasi o kaku ki potupotu o le malama nei.

Ekesote 23:31

E kau fakatuu loa ou koiga mei le tai Kula o kaku ki le tai o le kau Filisitini, mei le toafa o kaku ki le vaitafe ; talie e kau tuku loa ki ou lima a kakai o le fenua, ti e ke kapu loa latou i ou mua.

Tetelonome 11:24

E kotou maua loa ganea fuli ala e takafi loa e le taga vae o lokoutou vae : e kamata atu loa lokoutou koiga i le toafa o kaku ki Lipane, ti mo le vaitafe ko le Eufalate o kaku ki le tai uesite.

Uluaki tosi a Samuele 14:47

I le oki o le fakanofo o Saulo ke sau i Iselaele, na taui loa e ia ona fili fuli i ona tafatafa : le kau Moape, mo le kau Amone, mo le kau Etome, mo sau o Tesopa, ti mo le kau Filisitini ; ti na malo a ia i ganea fuli ala na ano a ia ki ai.