Lua tosi a Samuele 8:2 - Tosi Tapu

² Na taai foki e ia le kau Moape, ti na fakamomoe loa e ia latou ki le kele, kae fuafua loa e ia latou ki se maea ; ti na fuafua loa e ia ki le maea o tua lua ke tamate, kae na fuafua loa e ia ki le maea o tua tasi ke fakamauli. Ti na popula loa le kau Moape kia Tavite, o lotou totogi loa kiate ia se tukusau.

Lua tosi a Samuele 8:2 ပူးပေါင်းရင်းမြစ်များ

Lua tosi a Samuele 12:31

Na fakamavae loa e ia le kakai mei le kolo, ti na fakagaoii loa e ia latou ki ni gaoi mamafa, ki le tutuu, ki le ta fatu, ki toki mo le fai piliki ; na toe fai felaaki e ia ki la ake a kolo fuli o vosa o Amone. Ti na toe liliu loa Tavite ki Selusalemi mo le kakai katoa.

Lua tosi a Samuele 8:6

Na tuku loa e Tavite ni kau solia ke leo i Silia o Tamaso. Ti na popula loa le kau Silia kia Tavite, ti na lotou totogi loa kiate ia se tukusau. Na puipui e le Eteleno a Tavite i ganea fuli ala na ano a ia ki ai.

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Lua tosi o Sau 1:1

I le oki o le mate o Akapo, na agatuu loa Moape ki Iselaele.

Lua tosi o Sau 17:3

Na pale ake loa Salemanasale, sau o Asilia, o taui a ia ; ti na popula loa Ose kiate ia, o totogi loa se tukusau ki le sau o Asilia.

Uluaki tosi o Koloniko 18:2

Na tamate loa e ia le kau Moape, o fakapopula latou kia Tavite ti na lotou totogi kiate ia se tukusau.

Lua tosi o Koloniko 26:8

Na fai loa e le kau Amone ni nea alofa kia Osiasi, ti na mafola loa lona logologona o kaku ki koiga o Esipito, talie na liliu loa a ia o makeke lasi ai.

Pesalemo 108:9

A aku Kalaate, a aku Manase ; Ko Efalaimi ko le palaa o loku ulu, Ti ko Suta ko loku tokotoko pule ;

Pesalemo 18:45

E lotou fakalogo kiate au i laku uluaki fakatotonu, E fakalapulapu kiate au a vosa o le matapule.

Pesalemo 60:10

Ko Moape ko le fa tane leia e kau maanu ai ; E kau ti loku fa taka ki Etome ; Fenua o le kau Filisitini, ke ke fai ni kalaga fakafiafia kiate au !

Pesalemo 60:8

Na pati le Atua i lona maokioki : E kau malo loa, E kau vae loa Siseme, e kau fuafua loa le vaivailiua o Sukote ;

Pesalemo 83:6

E lotou fakakaukau i se loto e tasi, E lotou fai se sai ke agatuu kiate koe :

Esaia 36:16

Aua na kotou tui kia Esekiasi ; talie ko leinei le masau a le sau o Asilia : Kotou fakatokatoka mo au, kotou fakalogo mai kiate au, ti e kotou tasi kai loa le fua o lana vite mo lana fiki, ti e kotou tasi inu loa le vai o lona fa tane,

Numelo 24:17

E kau tio ki ai, kae e leai nei ; E kau tio ki ai, kae koi mamao : E ulu se fetuu meia Sakopo, E malaga se sau i Iselaele. E taai e ia a vakavaka o Moape, Ti e tamate e ia a vosa fuli o Seti.

Uluaki tosi a Samuele 10:27

Kae na i ai foki mo ni tagata agaveveli, ala na pati : Ea koia ! Ko ia loa leinei ka saofaki ia tatou ! Ti na lotou nukinuki loa kiate ia, ti na leaise lotou ave loa se nea alofa kiate ia. Kae na nea noa a ia kia Saulo.

Uluaki tosi a Samuele 14:47

I le oki o le fakanofo o Saulo ke sau i Iselaele, na taui loa e ia ona fili fuli i ona tafatafa : le kau Moape, mo le kau Amone, mo le kau Etome, mo sau o Tesopa, ti mo le kau Filisitini ; ti na malo a ia i ganea fuli ala na ano a ia ki ai.

Uluaki tosi a Samuele 22:3

Mei lena na ano loa Tavite ki Misipe i le fenua o Moape. Na pati loa a ia ki le sau o Moape : E kau kole atu kiate koe, ke ke fakataga ki loku tamana mo loku tinana ke nonofo i lou fenua, o kaku ki laku iloa le nea leia e fai loa e le Atua kiate au.

Uluaki tosi a Samuele 22:4

Ti na taki loa e ia latou ki le sau o Moape, ti na lotou nonofo loa mo ia i le temi katoa leia na nofo ai Tavite i le ana.