Lua tosi a Samuele 7:29 - Tosi Tapu

²⁹ Koia ke ke alofa o tapuaki ki le fale o lau tagata fakasausau, o tupu ke tuu mau a ia i ou mua o lee gato ! Talie ko koe, ei Aliki Eteleno, kua ke masau, ti e tapuakina loa le fale o lau tagata fakasausau o lee gato, o tupu ko lau tapuaki.

Lua tosi a Samuele 7:29 ပူးပေါင်းရင်းမြစ်များ

Lua tosi a Samuele 22:51

E soli e ia ni saofaki lalasi ki lona sau, Ti e fakasa e ia lona manava alofa ki lona filifiliia, Kia Tavite, mo lona sakoga, o lee gato.

Lua tosi a Samuele 8:1

I le sili o le nea lena, na toe taui loa e Tavite le kau Filisitini, o fakagaegae, ti na too loa e ia mei le lima o le kau Filisitini le pule ki lolatou kolo mua.

Uluaki tosi o Koloniko 17:27

Koia foki, alofa o tapuaki le fale o lau tagata fakasausau, o tupu ke tuu a ia i ou mua o lee gato ! Talie ko le nea leia e ke tapuaki ki ai, ei Eteleno ! e manuia a ia o lee gato.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.