Lua tosi a Samuele 7:24 - Tosi Tapu

²⁴ Na ke fakamakeke lou kakai ko Iselaele, o tupu ke liliu a ia ko lou kakai o lee gato ; ti ko koe, ei Eteleno, kua ke liliu ko lona Atua.

Lua tosi a Samuele 7:24 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Lua tosi a Samuele 7:25

I le lakaga nei, ei Eteleno Atua, ke ke fakatuu ke tuu mau o kaku ki le lee gato le folafola leia kua ke fakasa ki lau tagata fakasausau mo lona fale, ti ke fai o mulimuli ki lau folafola.

Uluaki tosi o Koloniko 17:22

Kua ke fakanofo lou kakai ko Iselaele ke liliu ko lou kakai o lee gato ; ti ko koe, Eteleno, kua ke liliu ko lona Atua.

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Ekesote 15:2

Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:38

E lotou liliu loa ko loku kakai, Ti e kau liliu loa ko lolatou Atua.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Soane 1:12

Kae kia latou fuli ala na tali ia a ia, kia latou ala e tui ki lona suafa, na soli e ia le pule ke liliu ko fanau a le Atua, ala kua tupu,

Tetelonome 26:18

I le aso nei, na maua loa e le Eteleno meiate koe le fakapapau leia ke ke nofo loa ko lona kakai, leia e mauiga kese loa kiate ia, o fai ki lana pati kiate koe, ti mo ke tausi loa ana folafola fuli,

Tetelonome 27:9

Na masau loa Moisese mo le kau Levi faisakilifisio mo Iselaele katoa, o pati : Iselaele, ke ke fakalologo o fakalogo mai ! I le aso nei kua ke liliu ko le kakai a le Eteleno, lou Atua.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.