Lua tosi a Samuele 7:22 - Tosi Tapu

²² Koia e ke lasi ai, ei Eteleno Atua ! Talie e leaise tasi e tatau mo koe, ti e leaise tasi ake Atua kese iate koe, o mulimuli ki nea fuli kua logo ki ai omatou taliga.

Lua tosi a Samuele 7:22 ပူးပေါင်းရင်းမြစ်များ

Lua tosi a Samuele 22:32

Talie ko le toka tasi e Atua, ko le Eteleno ! Ti ko le toka tasi ko se utu, ko lotatou Atua !

Uluaki tosi o Sau 8:23

Ei Eteleno, Atua o Iselaele ! E leaise tasi ake Atua e toe tatau mo koe, i aluga i le lagi ti mo lalo i le kele : e ke taupau le sai mo lou manava alofa ki au tagata fakasausau ala e saele i lou agai mo le loto katoa !

Uluaki tosi o Koloniko 16:25

Talie e lasi le Eteleno ti e gali a ia mo le fakavikiviki, E fakaii a ia i aluga o atua fuli ;

Lua tosi o Koloniko 2:5

Ko le fale leia e kau fakatuu e tonu ke lasi, talie e lasi ake lomatou Atua i atua fuli.

Pesalemo 135:5

E kau iloa e lasi le Eteleno, Ti e taualuga lotatou Aliki i atua fuli.

Pesalemo 145:3

E lasi le Eteleno, ti e gali a ia i le fakafetai, Ti e leaise mafai ke iloa lona lasi.

Pesalemo 44:1

Ki le pule o le kau sua. A vosa o Kole. Katiko.

Pesalemo 48:1

Katiko. Pesalemo o vosa o Kole.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Pesalemo 86:8

Aliki, e leaise tatau se tasi mo koe i le kau atua, Ti e leaise tatau se nea mo au gaoiaga.

Pesalemo 89:6

Ei Eteleno, e fakafetai le atu lagi ki au gaoi malilie, Ti mo lou agatonu i le fakatasiga o le kau sagato.

Pesalemo 89:8

E fakaii le Atua i le fakatasiga lasi a le kau aselo, E fakaii a ia kia latou fuli ala e takatakai ia a ia.

Pesalemo 96:4

Talie e lasi le Eteleno ti e gali ai mo le fakavikiviki, E fakaii a ia i aluga o atua fuli.

Ekesote 10:2

Ti toe tupu foki ke ke fakamatala ki lou vosa mo le vosa o lou vosa le nea leia na kau fai ki le kau Esipito, ti mo fakamailoga ala na kau fakasa i loto malie o latou. Ti ke kotou iloa ko au ko le Eteleno.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 8:10

Na tanaki loa latou o fakatuuga, ti na sauga veli loa le fenua katoa.

Ekesote 8:6

Na tali loa Falaone : Ko apogipogi. Ti na pati loa Moisese : E fai ki ai, ke ke iloa e leaise tatau se tasi mo le Eteleno, lomatou Atua.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Esaia 40:18

Ko ai e kotou loto ke fakatatau ki ai le Atua ? Ti ko le fakatata fea leia e kotou fakatatau a ia ki ai ?

Esaia 40:25

Ko ai e kotou fakatatau au ki ai, ti ko ai leia e kau tatau mo ia ? E pati le Maokioki.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esekiele 36:22

Koia ke ke pati ki le fale o Iselaele : E folafola le Aliki, le Eteleno, o pati : E leaise kau fai a nea anei o tupu ko koutou, fale o Iselaele, kae tupu ko loku suafa maokioki, leia kua kotou aga o fakakelekele i puleaga ala na kotou ano ki ai.

Esekiele 36:32

Ke kotou iloa, e leaise kau fai a nea anei, o tupu ko koutou, e pati le Aliki, le Eteleno ! Ke kotou luma ti ke kotou fakasemala ki akoutou aga, fale o Iselaele !

Taniela 2:45

Ko lena le uiga o le fa fatu leia na ke tio na mataaki mei le mauga ti na leaise tokoi ki ai se lima, leia na momoi ia le ukamea, mo le sila, mo le kele, mo le siliva, mo le aulo. Kua fakasa e le Atua lasi ki le sau le nea leia ka soko loa ki muli. E maoki le moe miti, ti e maoki lona fakamatala.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Tetelonome 3:24

Aliki Eteleno, na ke kamata fakasa ki lau tagata fakasausau lou lasi mo lou makeke ; talie ko ai le atua, i le lagi mo le kele, e mafai ia le fakatautau o au gaoi mo au nea fakatalatupua ?

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.