Lua tosi a Samuele 7:19 - Tosi Tapu

¹⁹ Ti e leikiaise feauga aifai le nea lena ki ou mata, ei Aliki Eteleno ; talie kua ke toe masau foki ki le fale o lau tagata fakasausau ki temi ki muli. Ti kua ke finegalo ke fakasa a nea ana ki se tagata, ei Aliki Eteleno !

Lua tosi a Samuele 7:19 ပူးပေါင်းရင်းမြစ်များ

Lua tosi a Samuele 12:8

na kau soli kiate koe le fale o lou pule, na kau tuku ki lou fatafata a avaga o lou pule, ti na kau soli kiate koe le fale o Iselaele mo le fale o Suta. Ti kanapau na leaise feauga a nea ana, na kau toe soli atu loa kiate koe ni iki ake a nea.

Lua tosi o Sau 3:18

Kae ko se nea noa lena ki mata o le Eteleno. E tuku atu loa e ia Moape ki okoutou lima ;

Uluaki tosi o Koloniko 17:17

Kae ko se nea noa lena kiate koe, ei Atua ! talie kua ke toe masau foki ki le fale o lau tagata fakasausau i le temi ka au. Ti kua ke fai kiate au, ei Eteleno Atua, pe se tagata, a koe leia e taualuga !

Pesalemo 36:7

Ko lou faitotonu e faipe atu mauga o le Atua, Ko au fakamaauaga e faipe le moana loloto. Eteleno ! e ke fakamauli a tagata mo manu.

Esekiele 34:18

Kolea e leaise fia kai ai a iki o koutou i le faisaga malie tukupau ? Kolea e lotou takatakafi fakaveliveli ai le mutie leia e toe ? Pe leaise feauga kia koutou le maua o se vai mea ke inu ? Kolea e kotou fakafufu ai ki okoutou vae le nea leia na leaise kotou inu ?

Numelo 16:13

Pe leaise feauga kiate koe, Moisese, ke ke fakamavae matou i se fenua leia na tafe ai le sua manu mo le sua meli ke motou mamate i le toafa leinei, kae ko leinei e leaise gato lau pulei matou ?

Numelo 16:9

Pe ko se nea noa kia koutou ke filifili koutou e le Atua o Iselaele i le fakatasi katoa o Iselaele, ke kotou fakafeofi kiate ia, o tupu ke kotou gaoi ki le tapenakulo o le Eteleno, ti ke kotou tutuu i mua o le fakatasi o tausi kiate ia ?

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?