Lua tosi a Samuele 7:11 - Tosi Tapu

¹¹ pe le temi leia na kau fakanofo ai ni tui fakamaau ki loku kakai ko Iselaele. Na kau soli kiate koe le malolo o saofaki a koe mei ou fili fuli. Ti e fakasa e le Eteleno kiate koe e fakatupu loa e ia se fale kiate koe.

Lua tosi a Samuele 7:11 ပူးပေါင်းရင်းမြစ်များ

Lua tosi a Samuele 7:1

Na soko loa i le kua nofo a Tavite i lona fale fakasau, ti kua soli e le Eteleno kiate ia le malolo, i le oki o lana saofaki a ia mei ona fili ala na takatakai ia lona puleaga ;

Lua tosi a Samuele 7:19

Ti e leikiaise feauga aifai le nea lena ki ou mata, ei Aliki Eteleno ; talie kua ke toe masau foki ki le fale o lau tagata fakasausau ki temi ki muli. Ti kua ke finegalo ke fakasa a nea ana ki se tagata, ei Aliki Eteleno !

Lua tosi a Samuele 7:27

Talie ko koe totonu, ei Eteleno o kau tau, ko le Atua o Iselaele, kua ke fakasa ki lau tagata fakasausau, o pati : E kau lagai loa kiate koe se fale ! Koia kua loto makeke ai lau tagata fakasausau o fai kiate koe le kole lena.

Uluaki tosi o Sau 11:38

Kapau e ke fakalogo ki nea fuli ala e kau fakatotonu loa kiate koe, kapau e ke saele i oku ala, ti kapau e ke fai le nea leia e totonu i oku mua, o tausi aku lao mo aku fakatotonu, ofaipe lona fai e Tavite, laku tagata fakasausau, e kau nofo loa mo koe, ti e kau fakamakeke loa lou sakoga ofaipe laku fakamakeke le sakoga o Tavite, ti e kau soli loa kiate koe Iselaele.

Uluaki tosi o Sau 2:24

I le lakaga nei, e mauli le Eteleno, leia na fakamakeke ia laku pule, ti na fakaeke ia au ki le ekeekeaga fakasau o Tavite, loku tamana, ti na fakatuu ia kiate au se fale o mulimuli ki lana fakapapau ! I le aso nei, e mate loa Atonisa.

Uluaki tosi o Koloniko 17:10

ofaipe le temi leia na kau fakanofo ai ni tui fakamaau ki loku kakai ko Iselaele. Na kau fakataulaloi ou fili fuli. Ti e kau fakasa atu kiate koe e lagai loa e le Eteleno se fale kiate koe.

Uluaki tosi o Koloniko 22:10

Ko ia loa leia ka fakatuu ia loa se fale ki loku suafa. E liliu loa a ia kiate au ko se vosa, ti e kau liliu loa kiate ia ko se tamana ; ti e kau fakamakeke loa lona ekeekeaga fakasau i Iselaele o lee gato.

Sopo 34:29

Kae i le tasi anoaga, kapau e leaise loto le Atua ke fai ia se nea, ko ai e fakalakasala ia a ia ? Ti kapau e mumuni a ia, ti ko ai e feala ke toe tio kiate ia ? E fai fakatatau e ia ki se puleaga, pe ko se tagata,

Pesalemo 106:42

Na fakaveliveli loa latou e olatou fili, Ti na lotou luma loa i le fakataulalo kia latou.

Pesalemo 127:1

Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Ekesote 1:21

Talie na i a fafine faifanau ki le Atua, na fakatupu loa e le Atua ola fale.

Taagapati 14:1

E fakatuu e le fafine poto lona fale, Kae e soloi e le fafine valea lona fale ki ona lima totonu.

Epelo 11:33

I le tui, na lotou malo loa i ni puleaga, mo fai loa ni fakamaau, mo maua loa ni fakapapau, mo tapono loa le gutu o laione,

Uluaki tosi a Samuele 2:35

E kau fakanofo loa kiate au se tagata faisakilifisio agatonu, leia e fai loa o mulimuli ki loku loto mo loku laumalie ; e kau fakatuu loa kiate ia se fale ke mou, ti e saele tuumau loa a ia i mua o laku filifiliia.

Uluaki tosi a Samuele 25:28

E kau kole atu kiate koe, ke ke fakamolemole mai ki le sala a lau fafine fakasausau, talie ko le maoki e fai loa e le Eteleno ki loku aliki se fale lee gato ; ke ke fakamolemole, talie e maoki e fai e loku aliki a tau a le Eteleno, ti e leaise maua fua se agaveli iate koe.