Lua tosi a Samuele 7:10 - Tosi Tapu

¹⁰ na kau soli se nofoaga ki loku kakai, ki Iselaele, ti na kau to a ia ke tuumau ti ke aua na toe galulu, ti ke aua na toe fakavelivelii a ia e le kau agaveli ofaipe mua,

Lua tosi a Samuele 7:10 ပူးပေါင်းရင်းမြစ်များ

Lua tosi o Sau 21:8

E leaise kau toe tuku loa ke ano saele a vae o Iselaele, o mamao mo le fenua leia na kau soli ki ona tamana, kae ke lotou tokaga fua o tausi a nea fuli ala na kau fakatotonu kia latou, ti mo le lao katoa leia na tuku kia latou e laku tagata fakasausau ko Moisese.

Uluaki tosi o Koloniko 17:9

na kau soli se nofoaga ki loku kakai ko Iselaele, ti na kau to a ia ke tuu mau i ai ti ke aua na toe taugaoi, ti ke aua na toe maumaui a ia e le kau agaveli ofaipe mua,

Lua tosi o Koloniko 33:8

E leaise kau toe siki loa Iselaele mei le fenua leia na kau soli ki okoutou tamana, kae ke lotou fai fua aku folafola, mo nea fuli ala na kau fakatotonu kia latou, o mulimuli ki le lao katoa, mo pelesepeto, mo fakamaau ala na tuku e Moisese.

Pesalemo 44:2

Ei Atua ! na motou logo i omatou taliga, Na fakamatala mai kia matou e omatou tamana, A gaoi lalasi ala na ke fai i olatou aso, le temi mua.

Pesalemo 44:4

Talie na leaise lotou maua le fenua o tupu ko alatou seleta, Na leaise saofaki latou e olatou lima : Kae ko lou lima atamai, ko lou makeke, ko le malama o ou mata, Talie na ke alofa kia latou.

Pesalemo 80:8

Ei Atua o kau tau, toe fakatuu ake matou ki aluga ! Fakagigila mai ou mata, ti e motou mauli loa !

Pesalemo 80:9

Na ke taaki se vite i Esipito, Na ke kapu ni puleaga, kae na ke to a ia.

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Ekesote 15:17

E ke aumai loa latou ti e ke fakanofo loa latou i le mauga o lou tofiga, I le ganea leia na ke teuteui ko lou nofolaga, oi Eteleno ! I le sagatualio, Aliki ! leia na fakatuu e ou lima.

Esaia 5:2

Na fakamaluu loa e ia le kele, Na sau loa e ia a fatu, Ti na to loa e ia i ai se uli vite malie. Na fakatuu loa e ia se tule i loto malie ; Na kenu foki e ia se fa tane tatau vite i ai. Ti na amanaki malie loa a ia e soli loa e ia se fua malie, Kae na tuku loa e ia se fua veli.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Selemia 18:9

Ti fokifa e kau masau, ki se kakai, ki se puleaga, Ke laga ti ke to.

Selemia 24:6

E kau tio loa kia latou i loku alofa, ti e kau toe aumai loa latou ki le fenua leinei ; e kau fakanofo loa latou i le fenua, ti e leaise kau toe maumaui loa latou, e kau to loa latou ti e leaise kau toe taaki loa latou.

Esekiele 28:24

Ti e leaise toe liliu loa a ia ki le fale o Iselaele Ko se talai laakau leia e fakalavea ia, se laakau sukisuki leia e fakamasae ia, I lotolotoga o latou fuli ala e takatakai ia a ia ti e vesia kiate ia. Ti e lotou iloa loa ko au ko le Aliki, le Eteleno.

Oseo 2:18

I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Amosi 9:15

E kau to loa latou i lolatou fenua, Ti e leaise toe taaki loa latou i le fenua leia na kau soli kia latou, E pati le Eteleno, lou Atua.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.

Tuifakamaau 4:3

Na maua e Sapini ni saliote ukamea e kau lelau iva, ti na fakamamae lasi ai e ia a fanau a Iselaele i fetuu e kau lua. Ti na tagi loa fanau a Iselaele ki le Eteleno.

Uluaki tosi a Samuele 13:17

Na au loa mei le nofolaga tau o le kau Filisitini ni fa solia e tolu o maumaui. Na too loa le tasi fa solia le ala o Ofala, ki le fenua o Suale ;