Lua tosi a Samuele 7:1 - Tosi Tapu

¹ Na soko loa i le kua nofo a Tavite i lona fale fakasau, ti kua soli e le Eteleno kiate ia le malolo, i le oki o lana saofaki a ia mei ona fili ala na takatakai ia lona puleaga ;

Lua tosi a Samuele 7:1 ပူးပေါင်းရင်းမြစ်များ

Lua tosi a Samuele 5:11

Na kakau loa e Ilame, sau o Tile, ni tagata avelogo kia Tavite, mo ni laakau ko le sete, mo ni kau tufuga papa, mo ni kau tufuga fatu, ala na fakatuu ia loa se fale kia Tavite.

Lua tosi a Samuele 6:23

Koia na leaise maua loa e Mikale, taine o Saulo, sana fanau o kaku ki le aso o lona mate.

Lua tosi a Samuele 7:11

pe le temi leia na kau fakanofo ai ni tui fakamaau ki loku kakai ko Iselaele. Na kau soli kiate koe le malolo o saofaki a koe mei ou fili fuli. Ti e fakasa e le Eteleno kiate koe e fakatupu loa e ia se fale kiate koe.

Uluaki tosi o Sau 5:4

I le lakaga nei kua soli mai kiate au e le Eteleno, loku Atua, le malolo mei potu fuli ; kua oki a fili, ti kua oki a malaia !

Uluaki tosi o Koloniko 22:6

Na kalagai loa e Tavite lona vosa ko Salomone, ti na fakatotonu loa e ia kiate ia ke laga se fale ki le Eteleno, le Atua o Iselaele.

Uluaki tosi o Koloniko 22:7

Na pati loa Tavite kia Salomone : Loku vosa, na kau maua le manatu ke fakatuu se fale ki le suafa o le Eteleno, loku Atua.

Uluaki tosi o Koloniko 28:2

Na tuu loa le sau ko Tavite, o pati kia latou : Kotou fakalogo mai, ei oku fetaina, mo loku kakai ! na kau manatu ke fakatuu se fale malolo ki le aleka o le sai a le Eteleno, leia ko le nofoaga o lotatou Atua, ti na kau sapena ke kau fakatuu a ia.

Lua tosi o Koloniko 14:6

Na pati loa a ia kia Suta : Tou fakatuu a kolo anei ti tou takatakai latou ki ni paa, mo ni tule leo, mo ni matapa, ti mo ni ukamea fakamaumau. Koi tuu foki le fenua i otatou mua, talie na tou aga o afa le Eteleno, lotatou Atua, io, na tou afa a ia, ti na soli mai e ia kia tatou le malolo mei potu fuli. Koia na lotou laga loa ti na lotou manuia loa.

Lua tosi o Koloniko 20:30

Ti na fimalie loa le puleaga o Sosafate, talie na soli loa kiate ia e lona Atua le tokamalie i ona tafatafa fuli.

Pesalemo 132:5

O kaku ki laku maua se ganea ki le Eteleno, Se nofoaga ki le mafimafi a Sakopo.

Pesalemo 18:1

Ki le pule o le kau sua. Pesalemo a le tagata fakasausau a le Eteleno, ko Tavite, leia na fai ia ki le Eteleno a kupu o le katiko leinei, i lona fakamauli e le Eteleno i le lima o ona fili fuli, mo le lima o Saulo. Na pati a ia :

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Mateo 25:16

Ko leia na tali ia a fa tenalio e lima na ano aifai a ia, o fakagaoii latou ke fua, ti na toe maua loa e ia ni iki ake fa tenalio e lima.

Gaoi 7:46

Na maua loa e Tavite se kalasia i mua o le Atua, ti na kole loa e ia ke laga se nofoaga ki le Atua o Sakopo ;

Sosue 21:44

Na tuku loa e le Eteleno kia latou le malolo i olatou koiga fuli, o fai ki lana fakapapau ki olatou tamana. Na leaise toe tuu se tasi o ona fili i olatou mua : talie na tuku loa latou e le Eteleno ki olatou lima.

Sosue 23:1

Na sili loa se temi fualoa ki le soli e le Eteleno o le malolo ki Iselaele, o saofaki a ia mei fili fuli ala na takatakai ia a ia. Kua kaku loa Sosue o matua, ti kua lasi ai ona fetuu.