Lua tosi a Samuele 5:9 - Tosi Tapu

⁹ Na nofo loa Tavite i le kolo tau, leia na fakaigoa loa e ia ko le kolo o Tavite. Na toe laga foki e ia ni iki kolo tau i le takatakai o le kolo, i le vasa o Milo mo lona nofoaga.

Lua tosi a Samuele 5:9 ပူးပေါင်းရင်းမြစ်များ

Lua tosi a Samuele 5:7

Kae na too loa e Tavite le kolo tau o Sione : ko le kolo o Tavite.

Lua tosi a Samuele 5:8

Na pati Tavite i le aso lena : Kapau e loto se tagata ke tamate le kau Sepusi, e tonu loa ke pale a ia kia latou i le kanale leia e ulu i le kele, o taai le kau kivi mo le kau kito ala ko fili o Tavite… Koia leia e pati ai : E leaise ulu loa le kivi mo le kito ki le fale o le Eteleno.

Lua tosi a Samuele 6:10

Na leaise loto loa a ia ke ulu le aleka o le Eteleno ki lona fale, i le kolo o Tavite, ti na kakau loa e ia ke ave a ia ki le fale o Opeto-Etome mei Kate.

Uluaki tosi o Sau 11:27

Ko leinei le tupuaga o lana fakafesagai ki le sau ko Salomone. Na lolotoga fakatuu e Salomone a Milo, ti mo tapono e ia le pu i le paa o le kolo o Tavite, lona tamana.

Uluaki tosi o Sau 2:10

Na moe loa Tavite mo ona tamana, ti na tanu loa a ia i le kolo o Tavite.

Uluaki tosi o Sau 9:15

Ko leinei le nea o uiga mo kau tagata pule gaoi ala na fakanofo e le sau ko Salomone ke fakatuu ia le fale o le Eteleno mo lona fale sau, mo Milo, mo le paa o Selusalemi, mo Asoli, mo Mekito, ti mo Kesele.

Uluaki tosi o Sau 9:24

Na pale ake loa le taine o Falaone mei le kolo o Tavite ki lona fale leia na fakatuu e Salomone. Ti na fakatuu loa e Salomone a Milo i le temi lena.

Lua tosi o Sau 12:20

Na fono loa ana tagata fakasausau ke tamate a ia ; na lotou tamate loa Soasi i le fale o Milo, leia e tuu i le ifoaga ki Sila.

Lua tosi o Sau 12:21

Ko Sosakale, vosa o Simeate, mo Sosapate vosa o Somele, ana tagata fakasausau, na taai ia loa a ia, ti na mate ai loa Soasi. Na tanu loa a ia mo ona tamana i le kolo o Tavite. Ti na sau loa Amatesia, lona vosa, o fetogi a ia.

Uluaki tosi o Koloniko 11:8

Na fai loa e Tavite i le takatakai katoa o le kolo ni gaoi lalasi, mei Milo mo ona tafatafa ; ti na laga foou loa e Soape le toe o le kolo.

Lua tosi o Koloniko 32:5

Na loto makeke loa Esekiasi ; na toe fau loa e ia le paa leia na maumau, ti na toe siki ake loa e ia a ia ke taualuga o kaku ki tule leo, na toe fai loa e ia mo le tasi ake paa ki tafa, na fakamakeke loa e ia a Milo i le kolo o Tavite, ti na teuteui loa e ia ni masafu mo ni paletau o lasi ai.

Neemia 3:15

Na fakafoou e Salune, vosa o Kole-Ose, pule o le kolo o Misipa, le matapa o le matapuna vai. Na laga e ia a ia, o ato, ti mo fakapipiki ona matapa, mo ona loka, ti mo ona laakau fakamaumau. Na toe lagai e ia mo le paa o le vai o Siloe, i tafa o le oloto a le sau, o kaku ki le kakega leia e ifo mei le kolo o Tavite.

Pesalemo 122:3

Selusalemi, kua laga a koe Ofaipe se kolo leia e pipiki fakatasi ona koga fuli.

Esaia 29:1

Malaia kia Aliele, kia Aliele ! Le kolo leia na fai e Tavite ko lona nofoaga ! Kotou fakalasi le fetuu ki le fetuu ; Kotou tuku ke sosolo a aso lalasi i fetuu fuli.

Tuifakamaau 9:20

Kapau e leai ti ke ulu loa meia Apimeleke se afi o tutu a tagata o Siseme mo le fale o Milo, ti ke ulu loa mei tagata o Siseme mo le fale o Milo se afi, o tutu Apimeleke !

Tuifakamaau 9:6

Na fakatasi loa tagata fuli o Siseme mo le kakai fuli o Pete-Milo, ti na lotou ano loa ki le sene o Siseme, i tafa o le fatu tapu, o fakanofo Apimeleke ke sau.