Lua tosi a Samuele 5:21 - Tosi Tapu

²¹ Na lotou tuku loa i ai olatou taulaatua, ti na ave loa latou e Tavite mo lana kau tau.

Lua tosi a Samuele 5:21 ပူးပေါင်းရင်းမြစ်များ

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Selemia 43:12

E tuku loa e ia le afi ki fale o atua o Esipito ; e tutu loa e Nepukatenesale a taulaatua, pe ave popula loa e ia latou ; ti e pulupulu loa a ia ki le fenua o Esipito ofaipe le tagata tausi ovi leia e takatakai ki lona taupulupulu, ti e mavae loa a ia mei Esipito i le tokamalie.

Selemia 48:7

Talie, o tupu na ke fanaki ki au gaoi mo ou koloa, Ko koe foki, e ke too loa, Ti e ano loa Kemosi o popula, Mo ona kau pelepitelo ti mo ona kau pule.

Taniela 11:8

E too loa e ia o ave ki Esipito a atua, mo olatou fakatata ukamea, mo aulo, mo siliva. Ti e nofo loa a ia i ni fetuu, o mamao mei le sau o le noleto.

Tetelonome 7:25

Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Tetelonome 7:5

Kae ko leinei le nea leia e kotou fai loa kia latou : Ke kotou maumaui loa olatou aletale, ti ke kotou fatifatii loa olatou fakatata fatu, ti ke kotou tutuuti loa olatou pou tapu, ti ke kotou tutu loa i le afi olatou taulaatua.