Lua tosi a Samuele 5:2 - Tosi Tapu

² I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Lua tosi a Samuele 5:2 ပူးပေါင်းရင်းမြစ်များ

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Lua tosi a Samuele 6:21

Na tali loa Tavite kia Mikale : Ko mua ala o le Eteleno, leia na filifili ia au ke mua i lou tamana mo lona fale katoa, leia na fakanofo ia au ke pule ki le kakai a le Eteleno, ki Iselaele, ko mua o le Eteleno leia na kau mako ai.

Lua tosi a Samuele 7:7

I ganea fuli na kau saele ai mo fanau a Iselaele, pe na kau pati se kupu e tasi ki se tasi o pule o Iselaele ala na kau fakatotonu ke tausi ki loku kakai ko Iselaele, pe na kau pati : Kolea na leaise kotou fakatuu ai soku fale ki le sete ?

Lua tosi a Samuele 7:8

I le lakaga nei, e ke pati loa ki laku tagata fakasausau ko Tavite : Ko leinei le folafola a le Eteleno o kau tau : Na kau too a koe mei le lotoa manu i muli o kau ovi, o tupu ke ke liliu ko le pule o loku kakai, ko Iselaele ;

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Uluaki tosi o Koloniko 11:2

I mua, i le koi sau o Saulo, ko koe leia na taki ia Iselaele ki le tau. Na pati atu loa le Eteleno, lou Atua kiate koe : E ke fagai loa loku kakai ko Iselaele, ti e ke liliu loa ko le pule o loku kakai ko Iselaele.

Lua tosi o Koloniko 1:10

Soli mai foki kiate au le poto mo le iloa, o tupu ke kau iloa le saele i mua o le kakai leinei ! talie ko ai e mafai ia loa ke fakamaaui ia lou kakai, le kakai lasi leinei ?

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 55:4

Ko leinei, na kau fakanofo a ia ke fakamaoki i mua o ni kakai, Ke takimua mo pule ki atu puleaga.

Esekiele 34:23

E kau tuku loa ki le ulu o laku kau manu se tausi manu e tasi, leia e poto loa i lona fagai, ti ko le tagata lena ko laku tagata fakasausau ko Tavite ; ko ia leia e fagai ia loa latou, ti e liliu loa a ia ko le tausi ovi maoki kia latou.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Numelo 27:17

leia ke pule kiate ia, ti ke poto i lona taki i nea fuli, o tupu ke aua na fai le kakai a le Eteleno pe se kau manu leia e sala tagata tausi manu.

Mateo 2:6

Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Soane 10:11

Ko au ko le tagata tausi ovi agamalie. E soli e le tagata tausi ovi agamalie lona mauli o tupu ko ana ovi.

Epelo 2:10

Talie na gali mo ia, leia a ana nea fuli, leia e au mei ai a nea fuli, leia na loto ke taki ia ki le kololia ni vosa toka api, ke siki e ia ki le malie tukupau i mamae le Aliki o lotatou fakamauli.

Uluaki tosi a Samuele 13:14

kae i le lakaga nei e leaise fualoa loa lou pule. Kua filifili e le Eteleno kiate ia se tagata ofai ki lona loto, ti kua fakatotonu e le Eteleno kiate ia ke pule ki lona kakai, talie na leaise ke fakalogo ki le nea leia na fakatotonu atu e le Eteleno kiate koe.

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.

Uluaki tosi a Samuele 18:13

Na fakamamao loa a ia e Saulo meiate ia, ti na fakanofo loa e ia a ia ko le pule tau ki le tino afe. Ti na feanoaki a ia i mua o le kakai ;

Uluaki tosi a Samuele 18:16

kae na alofa Iselaele katoa mo Suta kia Tavite, talie na ano a ia i olatou mua.

Uluaki tosi a Samuele 18:5

Na ano loa Tavite ki potu fuli ala na kakau a ia ki ai e Saulo, ti na manuia a ia ; na fakanofo loa a ia e Saulo ke pule ki lana kau tau, ti na malie a ia ki mata o le kakai katoa mo tagata fakasausau a Saulo.

Uluaki tosi a Samuele 25:28

E kau kole atu kiate koe, ke ke fakamolemole mai ki le sala a lau fafine fakasausau, talie ko le maoki e fai loa e le Eteleno ki loku aliki se fale lee gato ; ke ke fakamolemole, talie e maoki e fai e loku aliki a tau a le Eteleno, ti e leaise maua fua se agaveli iate koe.

Uluaki tosi a Samuele 25:30

Ka oki loa le fai e le Eteleno ki loku aliki a nea malilie fuli ala kua fakasa atu e ia kiate koe, ti ka oki loa le fakanofo e ia a koe ko le pule o Iselaele,

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.