Lua tosi a Samuele 5:10 - Tosi Tapu

¹⁰ Na liliu Tavite o asilisili makeke, ti na nofo mo ia le Eteleno, le Atua o kau tau.

Lua tosi a Samuele 5:10 ပူးပေါင်းရင်းမြစ်များ

Senesi 21:22

I le temi lena, na ano loa Apimeleke mo Pikoli, ko le pule o lana solia, o masau kia Apalaamo, o pati : E kau le Atua mo koe i nea fuli ala e ke fai.

Lua tosi a Samuele 3:1

Na fai fualoa ai le tau i le fale o Saulo mo le fale o Tavite. Na fakaano ke makeke lasi Tavite, ti na fakaano ke gaegae le fale o Saulo.

Lua tosi a Samuele 7:9

na kau nofo mo koe i ganea fuli na ke saele ai, na kau tamate ou fili fuli i ou mua, ti na kau fakaliliu lou igoa o lasi ofaipe igoa o tagata lalasi e nonofo i le kele ;

Lua tosi a Samuele 8:14

Na tuku loa e ia ni kau solia i Etome, na tuku loa e ia ni kau solia i Etome katoa. Ti na popula loa Etome katoa kia Tavite. Na puipui e le Eteleno a Tavite i ganea fuli ala na ano a ia ki ai.

Lua tosi a Samuele 8:6

Na tuku loa e Tavite ni kau solia ke leo i Silia o Tamaso. Ti na popula loa le kau Silia kia Tavite, ti na lotou totogi loa kiate ia se tukusau. Na puipui e le Eteleno a Tavite i ganea fuli ala na ano a ia ki ai.

Sopo 17:9

Kae e tuu makeke aifai le tagata agatonu i lona ala, ti e asilisili lotomakeke leia e mea ona lima.

Pesalemo 24:10

Ko ai le sau lena o le kololia ? Ko le Eteleno o kau tau : Ko lena le sau o le kololia ! - Manava.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Luka 2:52

Ti na tupu ake Sesu o lasi i le poto, i le tino, ti mo le alofa, i mua o le Atua ti mo mua o tagata.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Uluaki tosi a Samuele 18:12

Na i Saulo kia Tavite ; talie na nofo le Eteleno mo Tavite, ti kua mavae a ia meiate ia.

Uluaki tosi a Samuele 18:14

Na manuia a ia i ana nea fuli na fai, ti na nofo le Eteleno mo ia.

Uluaki tosi a Samuele 18:5

Na ano loa Tavite ki potu fuli ala na kakau a ia ki ai e Saulo, ti na manuia a ia ; na fakanofo loa a ia e Saulo ke pule ki lana kau tau, ti na malie a ia ki mata o le kakai katoa mo tagata fakasausau a Saulo.