Lua tosi a Samuele 4:8 - Tosi Tapu

⁸ Na la ave loa le fa ulu o Iseposete kia Tavite i Epelone, ti na la pati loa ki le sau : Ko leinei le fa ulu o lou fili ko Iseposete, vosa o Saulo, leia na afa ki lou mauli ; kua liufaki e le Eteleno i le aso nei loku aliki kia Saulo mo lona lanu.

Lua tosi a Samuele 4:8 ပူးပေါင်းရင်းမြစ်များ

Lua tosi a Samuele 18:19

Na pati loa Asimaate, vosa o Satoke : Tuku ke kau makape o fakasa ki le sau le logo malie leinei, kua fakasa e le Eteleno kiate ia lana faitotonu o saofaki a ia mei lima o ona fili.

Lua tosi a Samuele 18:31

Na kaku mai loa a Kusi. Ti na pati a ia : Ke iloa e le sau, loku aliki, le logo malie ! I le aso nei kua tuku atu kiate koe e le Eteleno lana faitotonu, talie kua saofaki e ia a koe mei lima o latou fuli ala na malaga ke agatuu kiate koe.

Lua tosi a Samuele 2:8

Kae na too loa e Apenele, vosa o Nele, pule o le solia a Saulo, a Iseposete, vosa o Saulo, o ave ki Maanaimi.

Lua tosi a Samuele 22:48

Le Atua leia e totogi ia kiate au, Leia e fakapopula ia a kakai kiate au,

Pesalemo 71:24

E fakasa loa e loku alelo lou faitotonu i aso fuli, Talie kua luma mo mamae latou ala e afa ki loku mate.

Mateo 2:20

o pati : Tuu ki aluga, too le ga toe mo lona tinana, ti ke ano ki le fenua o Iselaele, talie kua mamate latou ala na afa ia ke tamate le ga toe.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 6:10

Ti na lotou kalaga leo lasi loa, o pati : E kaku loa kiafea, Pule maokioki mo maoki, lau talitali ke fakamaaui mo totogi lomatou toto ki le kakai o le malama nei ?

Uluaki tosi a Samuele 18:11

Na siki loa e Saulo lana tao, o pati i lona loto : E kau sokai loa Tavite ki le paa. Kae na kalo loa Tavite meiate ia o tua lua.

Uluaki tosi a Samuele 19:1

Na masau loa Saulo kia Sonatane, lona vosa, mo ana tagata fakasausau fuli, ke tamate Tavite. Kae ko Sonatane, vosa o Saulo, leia na alofa mamae kia Tavite,

Uluaki tosi a Samuele 19:15

Na toe kakau loa latou e Saulo ke lotou tio kia Tavite, o pati : Kotou aumai a ia i lona palepale kiate au, ke kau tamate a ia.

Uluaki tosi a Samuele 20:1

Na sola loa Tavite mei Nasote i Lama. Na ano loa a ia o afa Sonatane, o pati kiate ia : Kolea kua kau fai ? Kolea laku agaveli, kolea laku agasala ki mata o lou tamana, ke loto ai a ia ki loku mauli ?

Uluaki tosi a Samuele 23:15

I le tio a Tavite kua taka tau Saulo, o afa ke tamate a ia, na nofo loa a ia i le toafa o Sife, i le vaomatua.

Uluaki tosi a Samuele 24:4

Na kaku loa a ia ki ni lotoa ovi ala na tuu i tafa o le ala ; ti na tuu se ana i le ganea lena, ti na ulu loa Saulo ki loto o fakatau mua ona vae. Na nofo Tavite mo lana kakai i loto oki o le ana.

Uluaki tosi a Samuele 25:29

Kapau kua malaga se tagata o tuli a koe ti mo loto ki lou mauli, e puipui tuumau loa le laumalie o loku aliki e le Eteleno, lou Atua, i ona tafa, kae tiaki loa e ia ki mamao, ofaipe se kalolo, le mauli o ou fili.