Lua tosi a Samuele 4:7 - Tosi Tapu

⁷ Io, na la ulu loa ki le fale kae na lolotoga malolo a ia i lona palepale i lona kogafale moe ; ti na la sokai a ia o mate, ti na la tuuti loa lona ua. Na la too loa lona fa ulu, ti na la saele loa i le po katoa i le toafa.

Lua tosi a Samuele 4:7 ပူးပေါင်းရင်းမြစ်များ

Lua tosi a Samuele 2:29

Na saele loa Apenele mo lana kakai i le po katoa i le toafa ; na lotou fakalaka loa i le solotane, ti na lotou saele i le fenua katoa o Piteloni, o lotou kaku loa ki Maanaimi.

Ekesote 8:3

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na lotou fakapale foki a kelenui ki le fenua o Esipito.

Mateo 14:11

Na aumai loa lona fa ulu i se pa, o soli ki le taine, ti na ave loa a ia e le taine ki lona tinana.

Uluaki tosi a Samuele 17:51

Na makape loa a ia, o tuu i tafa o le Filisitini, ti na too loa e ia le seleta a le Filisitini leia na tosoi loa e ia mei lona tukuaga, o tamate ki ai a ia mo tuuti ki ai lona ulu. I lalatou tio kua mate lolatou toa, na fesolaki loa le kau Filisitini.

Uluaki tosi a Samuele 17:54

Na too loa e Tavite le ulu o le Filisitini o ave ki Selusalemi, ti na tuku loa e ia ki lona falela a masafu tau fuli a le Filisitini.

Uluaki tosi a Samuele 31:9

Na lotou tuuti loa le ulu o Saulo, ti na lotou too loa ana masafu. Ti na lotou fakasa loa le logo malie lena i le fenua katoa o le kau Filisitini, mo fale o olatou taulaatua, ti mo le kakai.