Lua tosi a Samuele 3:39 - Tosi Tapu

³⁹ Koi kau gaegae i le aso nei, logo ai kua fakanofo au ko le sau ; ti e koi makeke ake iate au a fenua ana, ko vosa o Teselusa. Ke totogi e le Eteleno ki leia e fai ia le veli, o mulimuli ki lana agaveli !

Lua tosi a Samuele 3:39 ပူးပေါင်းရင်းမြစ်များ

Lua tosi a Samuele 16:10

Kae na pati loa le sau : E leaise kolua kau i ai, vosa o Teselusa ; tuku ke fakamalaia e ia au, talie kua pati le Eteleno kiate ia : Fakamalaia Tavite ! Ti ko ai e pati loa kiate ia : Kolea e ke fai felaaki ai ?

Lua tosi a Samuele 19:13

E kotou toe pati loa kia Amasa : Pe leaise ko loku ivi mo loku kanofi a koe, ke tautea au e le Atua i lona makeke katoa mo kapau e leaise ke liliu i oku mua ko le pule o le solia, o fetogi Soape, o lee gato !

Lua tosi a Samuele 19:22

Kae na pati loa Tavite : E leaise kolua kau i ai, vosa o Teselusa, ti kolea e kolua fakafesagai ai ki aku manatu ? Pe tamate loa se tagata i le aso nei i Iselaele ? Pe leaise kau iloa ko au leia e pule i le aso nei i Iselaele ?

Lua tosi a Samuele 3:38

Na pati loa le sau ki ana tagata fakasausau : Pe leaise kotou iloa kua puli i le aso nei i Iselaele se pule, se tagata lasi ?

Uluaki tosi o Sau 2:32

Kua fakavilo e le Eteleno lona toto ki lona fa ulu, talie na tamate e ia a tagata e lua ala na agatonu ake mo malilie ake iate ia, ti na tamate e ia laua ki le seleta, kae na leaise iloa fua e loku tamana ko Tavite : Ko Apenele, vosa o Nele, pule o le solia o Iselaele, ti mo Amasa, vosa o Setelo, pule o le solia o Suta.

Uluaki tosi o Sau 2:9

I le lakaga nei, aua na ke tuku loa a ia ke sala tua ; talie ko se tagata poto a koe, ti e ke iloa loa le nea leia e tonu ke fai kiate ia. E ke fakaifo loa lona fa ulu sina kua totototoa ki le popoko.

Uluaki tosi o Koloniko 22:5

Na pati Tavite : Koi muli ai ti koi gaegae ai loku vosa ko Salomone, kae e tonu ke malie tukupau le fale leia e tonu ke laga loa ki le Eteleno ti ke logologona lona kololia i fenua fuli ; koia e kau loto ai ke fai ni tokonaki ki ai. Ti na fai loa e Tavite ni tokonaki lalasi i mua o lona mate.

Uluaki tosi o Koloniko 29:1

Na pati loa le sau ko Tavite ki le kakai katoa : Koi muli ai ti koi gaegae ai loku vosa ko Salomone, leia kua filifili e le Atua, kae e lasi ai le gaoi, ti e leaise ko se fale sau leinei ki se tagata, kae ko le fale o le Eteleno Atua.

Lua tosi o Koloniko 13:7

Ti kua tanaki mai kiate ia ni tagata noa mo agaveveli, ti kua lotou makeke loa ia Lopoamo, vosa o Salomone ; talie na koi muli fua Lopoamo mo loto gaegae, koia na leaise mafai ai e ia ke tuu kia latou.

Pesalemo 101:8

I usu fuli e kau tapono loa a gutu o le kau agaveli fuli o le fenua, O tupu ke tamate i le kolo o le Eteleno Latou fuli ala e fai ia le veli.

Pesalemo 28:4

Ke ke liufaki kia latou o mulimuli ki alatou gaoi, o mulimuli ki le kaka o alatou gaoiaga. Io, liufaki kia latou o mulimuli ki gaoi o olatou lima ; Soli kia latou le totogi e tonu ke lotou maua ia.

Pesalemo 62:12

Na masau le Atua o tua tasi ; Na kau logo tua lua ki le nea leinei : Ko le makeke a le Atua a ia.

Pesalemo 7:16

E fakamavaa e ia se popoko, e kenu e ia a ia, Ti e vilo a ia ki le popoko leia na fai e ia.

Pesalemo 75:10

E kau fakasa loa a nea ana o lee gato ; E kau sua loa le mauiga o le Atua o Sakopo.

Ekesote 21:12

Ko leia e taai ia loa se tagata o mate, e tua loa a ia ki le mate.

Taagapati 20:8

Ka eke le sau i lona ekeekeaga i le fakamaauaga, E tio ona mata ki le veli i lana uluaki fa tio.

Taagapati 25:5

Too le tagata agaveli i mua o le sau, Ti e makeke loa lona ekeekeaga fakasau i le faitotonu.

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Selemia 38:5

Ti na tali loa le sau ko Setesiasi : Ko leinei kua tuku atu a ia ki okoutou lima ; talie e leaise mafai e le sau se nea kia koutou.

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Numelo 32:23

Kae kapau e leaise kotou fai fenaaki loa, e kotou agasala loa ki le Eteleno ; ti ke kotou iloa e toe maua loa koutou e lakoutou agasala.

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Lua tosi kia Timoteo 4:14

Ko Alesatelo, le tagata gaoi ukamea, na fai nea veli lasi kiate au. E liufaki loa e le Aliki kiate ia o fakatatau ki ana gaoi.

Tuifakamaau 9:57

Ti na totogi foki e ia ki le kakai o Siseme le veli katoa leia na lotou aga o fai. Na soko katoa loa le malaia leia na tuku kia latou e Sotame, vosa o Selupaale.