Lua tosi a Samuele 3:25 - Tosi Tapu

²⁵ E ke iloa malie Apenele, vosa o Nele ! Na au a ia o kakai a koe, mo lamalama au feanoaki, ti mo iloa a nea fuli e ke fai.

Lua tosi a Samuele 3:25 ပူးပေါင်းရင်းမြစ်များ

Senesi 42:12

Na pati loa Sosefo kia latou : E leaise kau tui. Na kotou au o tio ki ganea gagae o le fenua.

Senesi 42:16

Kotou kakau se tasi ia koutou ke ano o afa mai lokoutou taina ; kae ko koutou ake ala, e kotou nonofo loa i le fale pilisoni. E asiasii ai loa akoutou masau, ti e kau iloa loa pe nofo le maoki ia koutou. Ti kapau e leai, i le mauli o Falaone, ko ni tagata kaka koutou.

Senesi 42:9

Na manatui loa e Sosefo a moe miti ala na fai e ia o uiga mo latou, ti na pati loa a ia kia latou : Ko ni tagata kaka koutou ; na kotou au ke tio ki ganea gagae o le fenua.

Lua tosi a Samuele 10:3

na pati loa a pule o vosa o Amone kia Anune, lolatou pule : Pe ke masalo na kakau mai e Tavite ana tagata fakasausau ke fakapelepelei ia a koe, mo fakaapaapa ki lou tamana ? Pe leaise lotou au o tioi le kolo ke maumaui, leia e kakau mai ai e ia ana tagata fakasausau kiate koe ?

Lua tosi a Samuele 3:24

Na ano loa Soape ki le sau, o pati : Kolea le nea leinei kua ke aga o fai ? Ko leinei kua au Apenele kiate koe ; kolea kua ke tuku ai a ia ke ano ?

Lua tosi a Samuele 3:26

Ti na mavae loa Soape meia Tavite, o kakau ni tagata avelogo i muli o Apenele, ti na lotou maua loa a ia ki le fa tane o Sila, o lotou toe fakaliliu loa a ia mei ai : Na leaise iloa fua e Tavite se nea.

Lua tosi a Samuele 3:27

I le kaku mai a Apenele ki Epelone, na ave loa a ia e Soape ki se ganea kese i loto o le matapa o le kolo, ke masau fakafufu a ia kiate ia, ti na sukii loa e ia a Apenele ki se seleta i lona manava o mate ai, ke totogi ai le mate o Asaele, lona taina.

Lua tosi o Sau 18:32

o kaku ki laku toe liliu mai, o ave loa koutou ki se fenua leia e tatau mo lokoutou fenua, ki se fenua o le fulumeto mo le vino, se fenua o le pane mo le vite, se fenua o lolo mo le meli, ti e kotou mauli loa, ti e leaise kotou mamate loa. Koia, aua na kotou fakalogo kia Esekiasi ; talie e mafai ke fakasesei e ia koutou, o pati : E saofaki loa tatou e le Eteleno.

Pesalemo 121:8

E taupau loa e le Eteleno lou mavae mo lau kaku, I le temi nei o lee gato.

Esaia 37:28

Kae e kau iloa le temi leia e ke tonatona ai ki lalo, Mo le temi leia e ke ulu ai ki fafo, Mo le temi leia e ke ulu ai ki fale, Mo le temi leia e ke itaita ai kiate au.

Numelo 27:17

leia ke pule kiate ia, ti ke poto i lona taki i nea fuli, o tupu ke aua na fai le kakai a le Eteleno pe se kau manu leia e sala tagata tausi manu.

Soane 7:12

Na lasi ai le femumusuaki a le kakai o uiga mo ia. Na pati a iki : Ko se tagata malie. Kae na pati a iki : Leai, e fakasese e ia le kakai.

Soane 7:47

Na toe tali loa le kau faliseo kia latou : Pe kua toe kakaai foki mo kotou ?

Loma 2:1

Ei tagata, ko ai a koe, a koe leia e fakamaau, e leaise ke sao loa ; talie, i lau fakamaaui ala ake, e ke fakamaaui a koe totonu, talie ko koe leia e fakamaaui e toe fai ia a nea ana.

Tetelonome 28:6

E ke tapuakina loa i lau kaku ki fale, ti e ke tapuakina loa i lau mavae i fale.