Lua tosi a Samuele 24:2 - Tosi Tapu

² Ti na pati loa le sau kia Soape, leia na pule ki le solia ti na nofo i ona tafa : Ano i faasiga fuli o Iselaele, mei Tane o kaku ki Peele-Sepa ; lau le kakai, talie ke kau iloa pe toka fia lona lasi.

Lua tosi a Samuele 24:2 ပူးပေါင်းရင်းမြစ်များ

Senesi 21:14

Na tuu ake loa Apalaamo koi usu ; ti na too loa e ia se pane mo se fagu vai o soli kia Akale, o teki ki lona tuauma ; ti na toe soli loa e ia kiate ia le tama, ti na kakau loa e ia Akale ke ano. Na ano loa Akale, ti na sese loa a ia i le toafa o Pele-Sepa.

Lua tosi a Samuele 17:11

Koia e kau manatu ke fakatasii fuli mai a Iselaele kiate koe, mei Tane o kaku ki Peele-Sepa, ke api ofaipe le one o le mata tai. Ti ko koe, ke ke saele totonu loa mo latou ki le tau.

Lua tosi a Samuele 2:13

Ti na saele foki Soape, vosa o Teselusa, mo le kakai a Tavite. Na lotou felavei loa o ofi ki le vai o Kapaone, ti na lotou nonofo loa, ko iki i le tasi fetuu o le vai, ti ko la i leia ake fetuu o le vai.

Lua tosi a Samuele 20:23

Na pule Soape ki le solia katoa a Iselaele ; na pule Penasa, vosa o Seosata, ki le kau Keleti mo le kau Peleti ;

Lua tosi a Samuele 23:37

Ko Teseleke, tagata Amone. Ko Natalai, mei Peeloti, leia na amo ia a masafu a Soape, vosa o Teselusa.

Lua tosi a Samuele 24:15

Na tuku loa e le Eteleno ki Iselaele le taumasaki, mei le usu o kaku ki le temi leia na fakatuutuu ki ai ; mei Tane ki Peele-Sepa, na mamate loa le tino fitu afe tagata i le kakai.

Lua tosi a Samuele 3:10

o pati : E siki loa e ia le puleaga mei le fale o Saulo ki le fale o Tavite, ti e fakatuu loa e ia le ekeekeaga fakasau o Tavite ki Iselaele mo Suta, mei Tane o kaku ki Peele-Sepa.

Lua tosi a Samuele 8:16

Ko Soape, vosa o Teselusa, na taki ia le solia ; ko Sosafate, vosa o Asilute, na tokaga ki tosi fakapuleaga ;

Uluaki tosi o Koloniko 21:2

Ti na pati loa Tavite kia Soape mo pule o le kakai : Kotou ano, o lau Iselaele, mei Peele-Sepa o kaku ki Tane, ti kotou au o aumai a ia kiate au, o tupu ke kau iloa lona api.

Lua tosi o Koloniko 32:31

Kae i le temi leia na kakau mai ai loa e le kau pule o Papilone ni tagata avelogo kiate ia ke afa logo o uiga mo le fakamailoga leia na soko i lona fenua, na tiaki loa a ia e le Atua ke asiasii ai a ia, o tupu ke iloa ai a nea fuli ala e maua i lona loto.

Taagapati 29:23

Ko le fia nealasi o se tagata e tuku ia a ia ki lalo, Kae ko leia e loto fakataulalo e maua ia le kololia.

Selemia 17:5

Koia e folafola ai le Eteleno, o pati : Malaia le tagata leia e fanaki ki le tagata, Leia e too ia le kanofi ko lona tokotoko, Ti e fakamaliu ia lona loto i le Eteleno !

Lua tosi ki le kau Kolinto 12:7

Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.

Tuifakamaau 20:1

Ko fanau fuli o Iselaele, mei Tane o kaku ki Pele-Sepaki ti mo le fenua o Kalaate, na fakatasi loa i se loto e tasi i mua o le Eteleno, i Misipa.