Lua tosi a Samuele 24:19 - Tosi Tapu

¹⁹ Na pale loa Tavite, o mulimuli ki le masau a Kate, o mulimuli ki le nea leia na fakatotonu e le Eteleno.

Lua tosi a Samuele 24:19 ပူးပေါင်းရင်းမြစ်များ

Senesi 6:22

Ti na fai loa a Noe ki ai : na fai loa e ia a nea fuli ala na fakatotonu e le Atua kiate ia.

Lua tosi a Samuele 24:18

I le aso lena, na au loa a Kate kia Tavite, o pati kiate ia : Pale, ti ke fakatuu se aletale ki le Eteleno, i le faisaga a Alavana, tagata Sepusi.

Lua tosi a Samuele 24:20

Na siki ake loa a mata o Alavana, ti na tio loa a ia ki le au o le sau mo ana tagata fakasausau kiate ia ; ti na ulu loa Alavana ki fafo, o punou ki le kele i mua o le sau.

Uluaki tosi o Koloniko 21:19

Na pale loa Tavite, o mulimuli ki le folafola leia na fakasa e Kate mei le Eteleno.

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.