Lua tosi a Samuele 24:16 - Tosi Tapu

¹⁶ I le mafao o le lima o le aselo ke maumaui a Selusalemi, na fakasemala loa le Eteleno ki le veli lena, ti na pati loa a ia ki le aselo leia na tamate ia le kakai : Kua feauga, taofi lou lima i le lakaga nei. Na ofi le aselo o le Eteleno ki le sasaaga fulumeto a Alavana, tagata Sepusi.

Lua tosi a Samuele 24:16 ပူးပေါင်းရင်းမြစ်များ

Senesi 10:16

mo le kau Sepusi, mo le kau Amole, mo le kau Kilikasi,

Senesi 6:6

Ti na fakasemala loa le Eteleno i lana fakatupu le tagata i le malama nei, ti na mamae ai lona loto.

Lua tosi a Samuele 24:18

I le aso lena, na au loa a Kate kia Tavite, o pati kiate ia : Pale, ti ke fakatuu se aletale ki le Eteleno, i le faisaga a Alavana, tagata Sepusi.

Lua tosi a Samuele 5:8

Na pati Tavite i le aso lena : Kapau e loto se tagata ke tamate le kau Sepusi, e tonu loa ke pale a ia kia latou i le kanale leia e ulu i le kele, o taai le kau kivi mo le kau kito ala ko fili o Tavite… Koia leia e pati ai : E leaise ulu loa le kivi mo le kito ki le fale o le Eteleno.

Uluaki tosi o Sau 19:4

Kae ko ia, na ano loa a ia ki le toafa. I le oki o lana saele i le aso katoa, na tonatona loa a ia i lalo o se ga laakau ko le senete, ti na kole loa e ia le mate, o pati : Kua feauga ! Ei Eteleno, too atu nei loku mauli, talie e leaise kau malie ake i oku tamana.

Lua tosi o Sau 19:35

I le po lena, na ifo mai loa le aselo o le Eteleno, ti na tamate loa e ia i le nofolaga tau o le kau Asilia a tagata e tino lelau tino valu tupu lima afe. I le ala usu ake, ko leinei, kua mamate a tagata fuli.

Uluaki tosi o Koloniko 1:14

mo le kau Sepusi, mo le kau Amole, mo le kau Kilekasi,

Lua tosi o Koloniko 3:1

Na kamata laga loa e Salomone le fale o le Eteleno i Selusalemi, i le mauga o Molisa, leia na fakasa kia Tavite, lona tamana, i le ganea leia na teuteui e Tavite i le sasaaga fulumeto a Alavana, le tagata Sepusi.

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Pesalemo 135:14

Talie e fakamaau loa e le Eteleno lona kakai, Ti e alofa loa a ia ki ana tagata fakasausau.

Pesalemo 35:6

Ke fakapouli mo sekeseke olatou ala, Ti ke kapu latou e le aselo o le Eteleno !

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 90:13

Toe liliu mai, Eteleno ! E kaku loa kiafea ?… Alofa mai ki au tagata fakasausau !

Ekesote 12:13

Ti ko le toto, e liliu loa a ia kia koutou ko se fakamailoga i fale ala e kotou nonofo ai loa ; e kau tio loa ki le toto, ti e kau fakasili loa ia koutou, ti e leaise maumaui loa koutou e se tautea ke kotou mamate ai, mo ka kau taai loa le fenua o Esipito.

Ekesote 12:23

Ka fakalaka loa le Eteleno o taai Esipito, e tio loa a ia ki le toto i le kau matapa mo fa pou e lua, ti e fakasili loa le Eteleno i aluga o le matapa, e leaise fakataga loa e ia ke ulu le aselo maumau ki okoutou fale, o tamate koutou.

Ekesote 32:14

Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Ekesote 9:28

Kolua kole ki le Eteleno ke taofi le mana mo le ua fatu ; ti e kau tuku loa koutou ke ano, talie e leaise kau toe taofi loa koutou.

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Selemia 26:19

Pe na tamate loa a ia e Esekiasi, sau o Suta, mo Suta katoa ? Pe na leaise i loa Esekiasi ki le Eteleno ? Pe na leaise tagi loa a ia ki le Eteleno ? Koia na fakasemala loa le Eteleno ki le veli leia na puaki e ia kia latou. Ti ko tatou, pe tou amo loa se tukipo lasi feneeki ?

Selemia 42:10

Kapau e kotou nonofo i le fenua leinei, e kau fakanonofo oki loa koutou i ai, ti e leaise kau maumaui loa koutou, kae kau to loa koutou, ti e leaise kau toe taaki loa koutou ; talie kua kau fakasemala ki le veli leia na kau fai kia koutou.

Amosi 7:3

Ti na fakasemala loa le Eteleno ki le nea lena. Ti na pati le Eteleno : E leaise soko loa le nea lena.

Amosi 7:6

Ti na fakasemala loa le Eteleno ki le nea lena. Ti na pati loa le Aliki, le Eteleno : E leaise soko loa le nea lena ?

Apakuki 3:2

Eteleno, na kau logo ki le nea leia na ke fakasa, ti kua kau apele i le i. Ei Eteleno, fakasoko lau gaoiaga i lolotoga o fetuu ka soko mai ! Io, fakasa a ia i fetuu ka soko mai ! Kae i lou sausau, manatui ou aloalofa !

Sakalia 9:7

E kau too loa le toto i lona gutu, Ti mo nea fakalialia i ona nifo ; E kau loa mo ia foki ki lotatou Atua, Ti e fai loa a ia pe se pule i Suta, Ti e fai loa Ekeloni pe le kau Sepusi.

Maleko 14:41

Na toe liliu mai loa a ia i le tua tolu, o pati kia latou : Kotou momoe la i le temi nei mo kotou malolo ! Kua feauga ! Kua soko mai le ola ! Ko leinei, ka tuku loa le Vosa o le tagata ki lima o le kau agasala.

Gaoi 12:23

I le temi fai lena na taai loa a ia e se aselo o le Aliki, talie na leaise fakakololia a ia ki le Atua, ti na kai loa a ia e ilo, o mate.

Uluaki tosi ki le kau Kolinto 10:10

Aua na kotou lauga, ofaipe le fai a ni iki o latou, ala na tamate loa e le aselo o le malaia.

Lua tosi ki le kau Kolinto 2:6

Ti kua feauga ki le tagata lena le tua leia kua tuku kiate ia e le toka api.

Sosue 15:63

Na leaise mafai loa e vosa o Suta le kapu o le kau Sepusi ala na nonofo loa i Selusalemi, ti na nonofo loa le kau Sepusi mo vosa o Suta i Selusalemi o kaku mai ki le aso nei.

Tuifakamaau 1:21

Na leaise kapu loa e vosa o Pesamino le kau Sepusi ala na nonofo i Selusalemi ; ti na nonofo loa le kau Sepusi i Selusalemi mo vosa o Pesamino o kaku mai ki le aso nei.

Tuifakamaau 19:11

I lalatou feofi ki Sepusi, kua vave fua le vilo o le pouli, ti na pati loa le tagata fakasausau ki lona pule : Tou afe ki le kolo, ti tou nonofo loa i ai i le pouli.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.