Lua tosi a Samuele 24:10 - Tosi Tapu

¹⁰ Na logoi loa e Tavite le ta o lona mafu i le oki o le lau o le kakai. Ti na pati loa a ia ki le Eteleno : Kua kau fai se agasala lasi i le nea leinei kua fai ! Ti ko leinei, ei Eteleno, ke ke alofa o fakamolemole le agasala a lau tagata fakasausau, talie kua kau fai se nea fakavale !

Lua tosi a Samuele 24:10 ပူးပေါင်းရင်းမြစ်များ

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Uluaki tosi o Sau 8:35

Kapau e tapono loa le lagi, ti e leaise toe to loa se ua, o tupu ko alatou agasala kiate koe, kapau e lotou faikole loa i le ganea leinei mo fakavikiviki ki lou suafa, ti kapau e lotou tafoki loa mei alatou agasala, talie na ke tautea loa latou,

Uluaki tosi o Koloniko 21:7

Na veli ai le fakatotonu lena ki le Atua, leia na tautea ia loa Iselaele.

Uluaki tosi o Koloniko 21:8

Ti na pati loa Tavite ki le Atua : Kua kau fai se agasala lasi, o tupu ko laku fai le nea lena ! I le lakaga nei, alofa o fakamolemole mai ki le agasala a lau tagata fakasausau, talie kua kau fai pe se fa vale oki !

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Lua tosi o Koloniko 32:26

Koia, mei loto malie o lona fia nealasi, na fakasemala loa Esekiasi mo le kakai o Selusalemi, ti na leaise vilo loa le sausau o le Eteleno kia latou i le lolotoga o le mauli o Esekiasi.

Sopo 7:21

Kolea e leaise ke fakamolemole ai laku agasala, Ti e leaise ke fakamolemole ai laku agaveli ? Talie ka kau moe loa ki le kele ; E ke afa loa au, kae e kau puli loa.

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Ekesote 10:16

I le nea lena, na kalagai loa e Falaone a Moisese mo Alone, o pati kia laua : Kua kau agasala ki le Eteleno, lokoutou Atua, ti mo koulua.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Soele 2:12

I le aso nei foki, e pati le Eteleno, Kotou toe liliu mai kiate au i lokoutou loto katoa, Mo ni sesunio, mo ni tagi, ti mo ni tagi laulau !

Numelo 12:11

Ti na pati loa Alone kia Moisese : Alofa mai, ei loku aliki, aua na ke fakaamo kia maua le tua o le agasala leia na ma fai pe ni nea valelea, o tupu ai lama agasala !

Maleko 7:22

mo kaia, mo fulupipiki, mo agaveli, mo kaka, mo maveuveu, mo manumanu, mo fatituu, mo fia nealasi, mo valea.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 8:9

I lalatou logo ki le nea lena, na valoki loa latou e lolatou loto, ti na lotou tasi ano loa, o kamata mei le kau matua ki le kau muli ; ti na nofo loa Sesu toka tasi mo le fafine leia na tuu i lotomalie.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Uluaki tosi a Samuele 13:13

Na pati loa Samuele kia Saulo : Kua ke fai pe se vale, kua leaise ke tausi le fakatotonu na tuku atu kiate koe e le Eteleno, lou Atua. Kanapau e ke fakalogo loa, na fakamakeke loa e le Eteleno lou pule i Iselaele o lee gato ;

Uluaki tosi a Samuele 24:5

Na pati loa le kakai a Tavite kiate ia : Ko le aso leinei e pati atu le Eteleno kiate koe : E kau tuku lou fili ki ou lima ; ke ke fai kiate ia le nea e ke loto ki ai. Na tuu ake loa Tavite, o tuuti mamalie le tapatapa o le taupulupulu o Saulo.

Uluaki tosi a Samuele 24:6

I le oki o le nea lena na ta makeke loa lona mafu, talie kua tuuti e ia le tapatapa o le taupulupulu o Saulo.

Uluaki tosi a Samuele 26:21

Na pati loa Saulo : Kua kau agasala ; toe liliu mai, ei loku vosa ko Tavite, talie e leaise kau toe fai loa kiate koe se nea veli, o tupu na mauiga loku mauli ki ou mata i le aso nei. Na kau fai nea ofaipe se tagata valea, ti na kau fai se sala lasi.