Lua tosi a Samuele 22:42 - Tosi Tapu

⁴² E lotou tio saele ki olatou tafatafa, ti e leaise tasi leia ke saofaki ia latou ! E lotou kalaga ki le Eteleno, ti e leaise tali a ia kia latou !

Lua tosi a Samuele 22:42 ပူးပေါင်းရင်းမြစ်များ

Sopo 27:9

Pe fakalogo le Atua ki ana kalaga, Mo ka taomia a ia i le mamae ?

Taagapati 1:28

I le aso lena e lotou kalaga loa kiate au, kae e leaise kau tali loa ; E lotou afa loa au, kae e leaise lotou maua loa au ;

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 17:7

I le aso lena, e tagaki loa le tagata ki lona Atua, lona tupuaga, Ti e maliu loa ona mata ki le Maokioki o Iselaele.

Esaia 17:8

E leaise toe tio loa a ia ki aletale, Gaoiaga o ona lima, Ti e leaise toe tokaga loa a ia ki nea ala na fau e ona maikao, A taulaatua o Asetalate mo fakatata o le laa.

Esekiele 20:3

Vosa o le tagata, masau ki le kau matua o Iselaele, ti ke pati kia latou : E folafola le Aliki, le Eteleno, o pati : Pe na kotou au o afa au ? E pati le Aliki, le Eteleno : E kau mauli ! e leaise kau tali ke kotou afa au.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Uluaki tosi a Samuele 28:6

Na afa loa e Saulo le finegalo o le Eteleno ; kae na leaise tali fua le Eteleno kiate ia, pe i ni moe miti, pe i le ulimi, pe i le kau polofeta.