Lua tosi a Samuele 22:40 - Tosi Tapu

⁴⁰ E ke tuku mai kiate au le makeke ki le tau, E ke peluki i oku lalo oku fili.

Lua tosi a Samuele 22:40 ပူးပေါင်းရင်းမြစ်များ

Pesalemo 109:19

Ke fai a ia kiate ia pe se kofu ke ufiufi ia a ia, Pe se kilii pipi leia e toi e ia o lee gato !

Pesalemo 144:2

Mo loku malieaga mo loku kolo tau, Ko loku maloloaga taualuga mo loku fakamauli, Ko loku paletau, leia ko loku ulufaga, Leia na tuku ia kiate au loku kakai !

Pesalemo 18:32

Talie ko ai e Atua, pe leaise ko le Eteleno ? Ti ko ai ko se utu, pe leaise ko lotatou Atua ?

Pesalemo 18:39

E kau fatifatii latou, ti e leaise mafai ke lotou toe tuu ki aluga ; E lotou vivilo ki lalo i oku vae.

Pesalemo 44:5

Ei Atua ! ko koe ko loku sau : Ke ke fakatotonu le fakamauli o Sakopo !

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;

Uluaki tosi a Samuele 23:5

Ti na ano loa Tavite mo lana kakai ki Keila, ti na taui loa e ia le kau Filisitini ; na ave loa e ia alatou kau manu lalasi, kae taai loa e ia le kau Filisitini ki se tamatea lasi i le aso lena. Ti na saofaki loa e Tavite le kakai o Keila.