Lua tosi a Samuele 22:4 - Tosi Tapu

⁴ E kau kalaga : Ke fakavikiviki ki le Eteleno ! Ti e saofaki au mei oku fili.

Lua tosi a Samuele 22:4 ပူးပေါင်းရင်းမြစ်များ

Lua tosi o Koloniko 20:22

I le temi leia na kamata ai a sua mo fakavikiviki, na fakamaveuveu loa e le Eteleno le kau solia a le kau Amone, mo le kau Moape, ti mo latou mei le mauga o Seili, ala na au ke taui a Suta. Ti na lotou lava loa.

Neemia 9:5

Ko le kau Levi ko Sosue, mo Katemiele, mo Pani, mo Asapenia, mo Selepia, mo Otisa, mo Sepania, mo Petasa, na pati loa : Kotou tutuu ki aluga ti kotou fakafetai ki le Eteleno, lokoutou Atua, o lee gato ! Ke fakafetai ki lou suafa fakakololia, leia e taualuga i tapuakina fuli mo fakafetai fuli !

Pesalemo 106:2

Ko ai e fakasa ia loa a gaoi taualuga a le Eteleno ? Ko ai e fakasa ia loa le fakafetai katoa kiate ia ?

Pesalemo 116:13

E kau siki loa le ipu o saofaki, Ti e kau fetapa loa ki le suafa o le Eteleno ;

Pesalemo 116:17

E kau momoli loa kiate koe se sakilifisio fakafetai, Ti e kau fetapa loa ki le suafa o le Eteleno ;

Pesalemo 116:2

Talie na tokaga lona taliga kiate au ; E kau fetapa loa kiate ia i loku mauli katoa.

Pesalemo 116:4

Kae na kau fetapa loa ki le suafa o le Eteleno : Ei Eteleno, fakamauli loku laumalie !

Pesalemo 18:3

Eteleno, loku utu, loku kolo tau, loku fakamauli ! Loku Atua, loku utu, leia e kau maua ai se mumuniaga ! Loku paletau, le makeke leia e fakamauli ia au, loku maloloaga taualuga !

Pesalemo 34:6

Ka fulusi otou mata kiate ia, e tou gigila loa i le fiafia, Ti e leaise apele loa otou mata i le luma.

Pesalemo 48:1

Katiko. Pesalemo o vosa o Kole.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 55:16

Ke fakamautoka latou e le mate, Ke lotou ifo mauli ki le nofoaga o le kau mate ! Talie e nofo le agaveli i olatou fale, i loto malie o latou.

Pesalemo 56:9

E ke lau a laka o loku mauli taka sola ; Ke ke tanaki oku loimata i lau utele : Pe leaise tosi latou i lau tosi ?

Pesalemo 66:2

Kotou sua le kololia o lona suafa, Kotou sua lona kololia i akoutou fakafetai !

Pesalemo 96:4

Talie e lasi le Eteleno ti e gali ai mo le fakavikiviki, E fakaii a ia i aluga o atua fuli.

Loma 10:13

Talie ko leia e kalaga loa ki le suafa o le Aliki e saofaki loa.

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.

Apokalipisi 5:12

Na lotou pati leo lasi : E gali le Akeno leia na tamate ke tali ia le mafimafi, mo le koloa, mo le poto, mo le makeke, mo le fakaapaapa, mo le kololia, ti mo le fakavikiviki.