Lua tosi a Samuele 22:31 - Tosi Tapu

³¹ E saosaoa a ala o le Atua, Kua asiasii le folafola a le Eteleno ; Ko se paletau a ia kia latou fuli ala e fanaki kiate ia.

Lua tosi a Samuele 22:31 ပူးပေါင်းရင်းမြစ်များ

Lua tosi a Samuele 22:3

Ko le Atua ko loku utu, leia e kau maua ai se fakamalumaluaga, Ko loku paletau mo le makeke leia e saofaki ia au, Ko loku maloloaga taualuga mo loku kolo ulufaga. Ei loku Fakamauli ! e ke puipui au mei le fakamakeke.

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Sopo 34:10

Kotou fakalogo mai, koutou ala e maua ia se atamai malie ! E mamao ai i le Atua le nea e sala, E mamao ai i le Mafimafi le agaveli !

Pesalemo 119:140

Kua asiasii katoa lau folafola, Ti e alofa ki ai lau tagata fakasausau.

Pesalemo 12:6

Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

Pesalemo 145:17

E faitotonu le Eteleno i ona ala fuli, Ti e manava alofa a ia i ana gaoi fuli.

Pesalemo 18:30

Mo koe, e kau oso ki se kau tau kua tuu mo alatou masafu ; Mo loku Atua, e kau sopo i se kaua taualuga.

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Pesalemo 35:2

Ke ke too le paletau ikiiki mo le paletau lasi, Ti ke ke tuu ki aluga o saofaki au !

Pesalemo 84:9

Eteleno, le Atua o kau tau, fakalogo mai ki laku kole ! Fakalogo mai lou taliga, Atua o Sakopo ! - Manava.

Pesalemo 91:4

E ofaki loa e ia a koe ki ona fului manu, Ti e ke maua loa se mumuniaga i lalo o ona lalo kapakau ; Ko lona agatonu ko se paletau ti ko se kofu tau.

Taagapati 30:5

Ko folafola fuli a le Atua e mea. Ko se paletau a ia kia latou fuli ala e afa ia se mumuniaga iate ia.

Ekelesiasi 3:14

Na kau iloa ko nea fuli ala e fai e le Atua e tologa o lee gato, ti e leaise nea ke toe fakalasi ai, ti mo se nea ke toe too mei ai. Ti e gaoi fenaaki le Atua o tupu ke i kiate ia.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !