Lua tosi a Samuele 22:15 - Tosi Tapu

¹⁵ Na fana loa e ia ni gasau, o fakamavete oku fili, Na fakato loa e ia le fatuliki, o lotou fesolaki ai.

Lua tosi a Samuele 22:15 ပူးပေါင်းရင်းမြစ်များ

Pesalemo 18:14

Na mana loa le Eteleno i le lagi, Na fakagugulu loa e le Taualuga lona leo, O fakatasi mo se ua aisi ti mo ni malala kaka.

Pesalemo 45:5

Io, lou kololia ! - Ke ke malo ; ke ke eke ki lau saliote, Ke ke puipui le maoki, mo le agamalu, mo le faitotonu ! Ti ke sa lou lima atamai i ni gaoi lalasi !

Apakuki 3:11

I le malama o au gasau ala e lele, I mua o le tapa gigila o lau tao, E tutuu le laa mo le masina i ola nofoaga.

Tetelonome 32:23

E kau tanaki mai loa a malaia kia latou, E kau kaloloi loa ke oki aku gasau kia latou.

Sosue 10:10

Na veuki loa latou e le Eteleno i mua o fanau a Iselaele ; ti na tamate loa e Iselaele le kau Amole o lava veli ai i mua o Kapaone, ti na tuli loa e ia latou i le ala leia e pale ki Pete-Oloni, ti na tamate loa e ia latou o kaku ki Aseka mo Maketa.

Uluaki tosi a Samuele 7:10

I le lolotoga momoli e Samuele o le failaulau, na fakafeofi ake loa le kau Filisitini ke taui a Iselaele. Na fakagugulu loa e le Eteleno i le aso lena lana mana ki le kau Filisitini, ti na veuki loa e ia latou. Na lotou lava loa i mua o Iselaele.