Lua tosi a Samuele 22:1 - Tosi Tapu

¹ Na fai loa e Tavite ki le Eteleno le katiko leinei i le oki o le aga a le Eteleno o saofaki a ia mei ona fili fuli mo Saulo.

Lua tosi a Samuele 22:1 ပူးပေါင်းရင်းမြစ်များ

Lua tosi a Samuele 12:7

Ti na pati loa Natane kia Tavite : Ko koe le tagata lena ! Ko leinei le folafola a le Eteleno, le Atua o Iselaele : Na kau pani lolo a koe ke ke nofo ko le sau o Iselaele, ti na kau saofaki a koe mei le lima o Saulo ;

Lua tosi a Samuele 22:49

Ti e fakasao ia au mei oku fili ! E ke siki au ki aluga o oku fili, E ke saofaki au mei le tagata itaita.

Uluaki tosi o Koloniko 16:7

Ko le aso lena na fakanofo ai loa e Tavite a Asafe mo ona fetaina ke sua ia a fakavikiviki ki le Eteleno.

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Pesalemo 50:14

Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Ekesote 15:1

Ti na sua loa e Moisese mo fanau o Iselaele le katiko leinei ki le Eteleno. Na lotou pati loa : E kau sua loa ki le Eteleno, talie kua fakamapa e ia lona kololia ; Kua laku e ia ki le tai le osi mo le tagata ekeosi.

Lua tosi ki le kau Kolinto 1:10

Ko ia leia na saofaki ia maua mei le mate lasi a ia, ti e toe saofaki loa e ia maua : io, e ma amanaki kiate ia e toe saofaki loa e ia maua ;

Tetelonome 31:30

Na lau loa e Moisese a kupu fuli o le katiko leinei ki le fakatasi katoa o fanau a Iselaele.

Lua tosi kia Timoteo 4:18

Ti e saofaki loa au e le Aliki mei gaoi veveli fuli, ti e fakamauli loa e ia au, o fakaulu ki lona puleaga i le lagi. Kiate ia le kololia i sekulo mo sekulo ! Amene !

Tuifakamaau 5:1

I le aso lena, na sua loa e Tepola le katiko leinei, mo Palaki, vosa o Apinoame :

Uluaki tosi a Samuele 23:14

Na ano loa Tavite ki le toafa o Sife, o nofo i le potu faigataa o le mauga. Na afa tuumau a ia e Saulo, kae na leaise tuku a ia e le Atua ki ona lima.

Uluaki tosi a Samuele 24:15

Ko ai leia e saele ki ai le sau o Iselaele ? Ko ai leia e tuli e ia ? Ko se kuli mate, se fa kutu !

Uluaki tosi a Samuele 25:29

Kapau kua malaga se tagata o tuli a koe ti mo loto ki lou mauli, e puipui tuumau loa le laumalie o loku aliki e le Eteleno, lou Atua, i ona tafa, kae tiaki loa e ia ki mamao, ofaipe se kalolo, le mauli o ou fili.

Uluaki tosi a Samuele 26:24

Ti ko leinei, ofaipe le aso nei, na mauiga lasi lou mauli ki oku mata, ti alofa ke toe mauiga lasi loa loku mauli ki mata o le Eteleno, ti e saofaki loa e ia au mei mamae fuli.

Uluaki tosi a Samuele 27:1

Na pati loa Tavite i lona loto : I se aso, e kau mate loa i le lima o Saulo ; e leaise nea leia e toe malie ake kiate au, kae e kau sola loa o saofaki loku mauli i le fenua o le kau Filisitini ; o tupu ke tuku ai e Saulo loku tuli i le fenua katoa o Iselaele ; ti e kau sao loa mei lona lima.