Lua tosi a Samuele 21:20 - Tosi Tapu

²⁰ Na toe fai foki se tasi ake a tau i Kate. Na kau loa i ai se tagata taualuga, leia na maikao ono ona lima taki tasi mo ona vae taki tasi, ti na au foki a ia mei Lafa.

Lua tosi a Samuele 21:20 ပူးပေါင်းရင်းမြစ်များ

Lua tosi a Samuele 21:16

Ti na manatu loa Sisepi-Penope, ko se tasi o fanau o Lafa, ke tamate Tavite ; na nofo a ia mo se tao sila na kilo tolu lona mamafa, ti na tau i lona fetuu se seleta foou.

Lua tosi a Samuele 21:18

Na toe soko foki, i le oki o le nea lena, se tasi a tau i Kope mo le kau Filisitini. Ti na tamate loa e Sipekai, tagata Usatite, a Safo leia ko se tasi o fanau a Lafa.

Lua tosi a Samuele 21:21

Na vesilii loa e ia Iselaele ; ti na tamate loa a ia e Sonatane, vosa o Simea, taina o Tavite.

Uluaki tosi o Koloniko 20:6

Na toe soko foki se tasi a tau i Kate. Na kau loa i ai se tagata taualuga, leia na maua ia ni maikao e ono i ona lima mo ona vae, o fakatasi ko maikao e kau lua tupu fa, ti na au foki a ia meia Lafa.