Lua tosi a Samuele 21:12 - Tosi Tapu

¹² Ti na ano loa Tavite o aumai a ivi o Saulo mo ivi o Sonatane lona vosa, mei le kakai o Sapesi i Kalaate, ala na too ia latou mei le ganea ko Pete-Sani, leia na tautau ai laua e le kau Filisitini, i le aso leia na lotou taai ai Saulo i le tau i Kilipoa.

Lua tosi a Samuele 21:12 ပူးပေါင်းရင်းမြစ်များ

Lua tosi a Samuele 1:21

Mauga o Kilipoa ! Ke aua na toe to kia koutou le sasau mo le ua, Ke aua na i ai ni faisaga e tuku ia ni uluaki fua ki moliga ! Talie ko le ganea lena na vivilo ai a paletau a le kau toa, Le paletau a Saulo ; Na leaise toe pani loa latou ki le lolo.

Lua tosi a Samuele 1:6

Ti na tali loa le tama lena na au mo le logo : Na kau nofo totonu i le mauga o Kilipoa ; ti ko leinei, na fafanaki Saulo ki lana tao ti kua ofi ake kiate ia a saliote mo tagata ekeosi.

Lua tosi a Samuele 2:4

Na au loa a kau tagata o Suta, o fakanofo Tavite ke sau ki le fale o Suta i Epelone. Na fakasa loa kia Tavite ko le kakai o Sapesi i Kalaate leia na tanu ia Saulo.

Lua tosi a Samuele 21:11

Na fakamatala loa kia Tavite le nea leia na fai e Litesipa, taine o Asa, avaga o Saulo.

Lua tosi a Samuele 21:13

Na aumai loa e Tavite mei Sapesi i Kalaate a ivi o Saulo mo ivi o Sonatane ; ti na toe aumai foki e ia mo ivi o latou ala na tautau.

Uluaki tosi o Koloniko 10:1

I se aso, na fai loa e le kau Filisitini se tau ki Iselaele, ti na sosola loa a tagata o Iselaele i mua o le kau Filisitini, ti na lotou vivilo mamate loa i le mauga o Kilipoa.

Uluaki tosi o Koloniko 10:12

ti na tuu ake loa a tagata makeke fuli, o ano o too le tino o Saulo mo ona vosa, o ave ki Sapesi. Na lotou tanu loa latou i lalo o le Telepenite i Sapesi, ti na lotou sesunio loa i aso e fitu.

Uluaki tosi o Koloniko 10:8

I leia ake a aso, na au loa le kau Filisitini o tae a koloa o mate, ti na lotou maua loa Saulo mo ona vosa kua mamate i le mauga o Kilipoa.

Sosue 17:11

Na maua loa e Manase i le tofiga o Isakale mo Asele : a Pete-Seani mo ona kolo liliki, mo Sipeleami mo ona kolo liliki, mo Tole mo ona kolo liliki, mo Ene-Toli mo ona kolo liliki, mo Taanaki mo ona kolo liliki, mo Mekito mo ona kolo liliki : ko fenua e tolu.

Uluaki tosi a Samuele 28:4

Na fakatasi loa le kau Filisitini, ti na lotou ano loa o nonofo i Sunemi ; na tanaki loa e Saulo a Iselaele katoa, ti na lotou nonofo loa i Kilipoa.

Uluaki tosi a Samuele 31:1

Na taui loa Iselaele e le kau Filisitini, ti na sosola loa a tagata o Iselaele i mua o le kau Filisitini, ti na lotou vivilo loa o mamate i le mauga o Kilipoa.

Uluaki tosi a Samuele 31:3

Na vilo loa le mamafa o le tau kia Saulo ; na tau loa se gasau a le kau fai kalolo kia Saulo, ti na lavea veli loa a ia.

Uluaki tosi a Samuele 31:4

Na pati loa Saulo ki leia na amo ia ana masafu : Tosoi lau seleta, ti ke sukii au, ke aua na au a nea pagani ana o tamate au mo nukinuki kiate au. Kae na leaise loto leia na amo ia ana masafu, talie na maua loa e ia se i lasi.