Lua tosi a Samuele 20:6 - Tosi Tapu

⁶ Na pati loa Tavite kia Apisai : E lasi ake loa i le veli leia na fai e Apesalone le veli leia ka fai loa kia tatou e Sepa, vosa o Pikili. Too e koe totonu a tagata fakasausau a lou pule, ti ke tuli a ia, talie na maua e ia ni kolo tau, ti ke sao loa a ia ia tatou.

Lua tosi a Samuele 20:6 ပူးပေါင်းရင်းမြစ်များ

Lua tosi a Samuele 10:14

I le tio o vosa o Amone kua sosola le kau Silia, na lotou toe sosola foki mo latou i mua o Apisai o ulu ki le kolo. Na fakamamao loa Soape mei vosa o Amone, o toe liliu ki Selusalemi.

Lua tosi a Samuele 11:11

Na tali loa Uli kia Tavite : E nofo nei le aleka, mo Iselaele, mo Suta i falela ; ti e nofo i le vao loku aliki ko Soape mo tagata fakasausau a loku aliki, kae ko au ke kau ano loa ki loku kaiga o kai, mo inu, ti mo momoe mo laku avaga ! E ke mauli ti e mauli lou laumalie, e leaise kau fai loa le nea lena.

Lua tosi a Samuele 18:12

Kae na pati loa le tagata lena kia Soape : Kapau foki e kau too loa i loku lima ni fa sikele paaga e afe, e leaise kau fafa loa ki le vosa o le sau ; talie na tou logo fuli ki le fakatotonu leia na fai e le sau kiate koe, mo Apisai, mo Itai : Ke kotou tokaga ki loku vosa ko Apesalone !

Lua tosi a Samuele 18:2

Na tuku loa e ia le vaega tolu o le kakai ke taki e Soape, ko le tasi vaega tolu ke taki e Apisai, taina o Soape, vosa o Teselusa, ti ko le tasi vaega tolu ke taki e Itai, mei Kate. Ti na pati loa le sau ki le kakai : Ko au foki, e kau loto ke kau ano mo koutou ki le tau.

Lua tosi a Samuele 19:7

Tuu ki aluga, ti ke ulu ki fafo, o masau ki au tagata fakasausau ! Talie e kau fakamaoki atu i le suafa o le Eteleno, kapau e leaise ke ulu loa ki fafo, e leaise toe nofo loa se tagata e toka tasi mo koe i le po leinei ; ti e toe veli oki ake loa le nea lena kiate koe i malaia fuli ala kua soko kiate koe, talu mei lou ikiiki o kaku mai ki le aso nei.

Lua tosi a Samuele 2:18

Na kau i ai a vosa e toka tolu o Teselusa : ko Soape, mo Apisai ti mo Asaele. Na vae maamaa a Asaele pe le tia vao :

Lua tosi a Samuele 21:17

Kae na au loa Apisai, vosa o Teselusa, o tokoi kia Tavite, ti na taai loa e ia le Filisitini o mate. Ti na fakapapau loa le kakai a Tavite, o pati kiate ia : E leaise ke toe ano loa mo matou o tau, ti e leaise tamate loa le malama tutu o Iselaele.

Lua tosi a Samuele 23:18

Ko Apisai, taina o Soape, vosa o Teselusa, ko le pule a ia o le toka tolu lena. Na oso loa a ia mo lana tao ki tagata e tino lelau tolu, ti na tamate loa e ia latou ; ti na logologona a ia i le toka tolu lena.

Lua tosi a Samuele 3:30

Na tamate loa i ai e Soape mo lona taina ko Apisai a Apenele, o tupu na tamate e ia Asaele, lola taina, i le tau i Kapaone.

Lua tosi a Samuele 3:39

Koi kau gaegae i le aso nei, logo ai kua fakanofo au ko le sau ; ti e koi makeke ake iate au a fenua ana, ko vosa o Teselusa. Ke totogi e le Eteleno ki leia e fai ia le veli, o mulimuli ki lana agaveli !

Uluaki tosi o Sau 1:33

Ti na pati loa le sau kia latou : Kotou too tagata fakasausau a lokoutou pule, ti kotou fakaeke Salomone, loku vosa, ki laku osi, ti kotou fakaifo a ia ki Kioni.

Uluaki tosi o Koloniko 11:20

Ko Apisai, taina o Soape, na pule ki le tasi toka tolu. Na siki loa e ia lana tao ki ni kau tagata e tino lelau tolu, ti na tamate loa e ia latou ; ti na lau loa lona igoa i le toka tolu lena.

Uluaki tosi o Koloniko 18:12

Na tamate loa e Apisai, vosa o Teselusa, i le vaivailiua o le patai ni tagata Etome e tino agafulu tupu valu afe.

Selemia 8:14

Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Maleko 3:24

Kapau e mavetevete se puleaga o tau kiate ia totonu, e leaise mafai ke tuu makeke le puleaga lena ;

Uluaki tosi a Samuele 26:6

Na pati loa Tavite kia Asimeleke, le tagata Eti, mo Apisai, ko le vosa o Teselusa, le taina o Soape : Ko ai leia e fia ifo mo au ki le nofolaga tau kia Saulo ? Ti na tali loa Apisai : Ko au, e kau ifo loa mo koe.