Lua tosi a Samuele 20:1 - Tosi Tapu

¹ Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Lua tosi a Samuele 20:1 ပူးပေါင်းရင်းမြစ်များ

Senesi 46:21

Ko vosa o Pesamino : Ko Pela, mo Pekeli, mo Asipeli, mo Kela, mo Neemani, mo Esi, mo Losi, mo Mupimi, mo Upime, mo Aleti.

Lua tosi a Samuele 15:10

Na kakau loa e Apesalone ni tagata esipio i faasiga fuli o Iselaele, ke pati : Ka kotou logo loa ki le tagi o le fakatagi pupusi, e kotou pati loa : Kua sau Apesalone i Epelone.

Lua tosi a Samuele 16:11

Ti na pati loa Tavite kia Apisai mo ana tagata fakasausau fuli : Ko leinei, ko loku vosa, leia na ifo mei oku tootooga, e afa ki loku mauli ; ti e feaki ake loa le tagata lena o Pesamino ! Tuku a ia ke fakamalaia, talie kua pati le Eteleno kiate ia.

Lua tosi a Samuele 16:7

Na masau feneeki Simei i lana fakamalaia Tavite : Ano, ano, tagata o le toto, tagata agaveli !

Lua tosi a Samuele 18:17

Na lotou too loa Apesalone, ti na lotou ti loa a ia ki se fa popoko lasi i le vaomatua, ti na lotou laku loa ni fatu i aluga. Na sola loa Iselaele katoa, o tasi ano ki lona falela.

Lua tosi a Samuele 20:2

Ti na fakamamao loa a tagata fuli o Iselaele meia Tavite, o muli loa ia Sepa, vosa o Pikili. Kae na agatonu loa a tagata o Suta ki lolatou sau ti na lotou aumai loa a ia mei le Solotane o kaku ki Selusalemi.

Lua tosi a Samuele 20:22

Na ano loa le fafine ki le kakai mo lana manatu poto, ti na lotou tuuti loa le ua o Sepa, vosa o Pikili. Na lotou ti loa a ia kia Soape. Ti na pupusi loa e Soape le fakatagi pupusi ; ti na mavete loa o mamao mei le kolo, o tasi ano loa le tagata ki lona falela. Ti na toe liliu loa Soape ki Selusalemi, ki le sau.

Lua tosi a Samuele 23:6

Kae e tatau le kau agaveli fuli mo ni laakau talatala ala e tiaki, Ti e leaise too ki le lima ;

Uluaki tosi o Sau 12:16

I le tio loa a le kakai o Iselaele katoa na leaise fakalogo ake loa le sau kia latou, na lotou tali loa ki le sau : Kolea leia e tou fakatasi ai mo Tavite ? E leai fua sotatou tofiga mo le vosa o Isaia ! Ki ou falela, Iselaele ! I le lakaga nei, ke ke fagai lou fale Tavite ! Ti na toe liliu loa Iselaele ki ona falela.

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Lua tosi o Koloniko 10:16

I le tio loa a Iselaele katoa na leaise fakalogo le sau kia latou, na tali loa le kakai ki le sau : Kolea le nea koi motou pipiki ai mo Tavite ? E leaise nea fua koi motou fakatasi ai mo le vosa lena o Isaia ! Iselaele ! kotou tasi ano ki lona falela ! I le lakaga nei, ke ke tokaga la ki lou puleaga, vosa o Tavite ! Ti na tasi ano loa Iselaele katoa ki lona falela.

Lua tosi o Koloniko 10:6

Ti na fakakaukau loa le sau ko Lopoamo mo le kau matua leia na gaoi mo lona tamana ko Salomone i lona mauli, ti na pati loa a ia kia latou : Kolea le tokoi e kotou fai mai kiate au ke tuku ki le kakai leinei ?

Pesalemo 17:13

Eteleno, ke ke tuu ki aluga, ke ke saele kiate ia, ke ke peesi a ia ki lalo ! Saofaki au mei le tagata agaveli ki lau seleta !

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Taagapati 25:8

Aua na ke fakatavili o fakasa i le fakamaauaga le nea leia na ke tio ki ai, Talie na fakaoki ake e leaise koi ke iloa se nea ke fai, Mo ka fakaluma loa a koe e lou oloi.

Taagapati 26:21

E fakakaka e malala se afi lasi, ti e fakauulaula e le fafie le fafie ; E fenaaki le tagata fefele, e fakasolosolo e ia le felele.

Maleko 3:24

Kapau e mavetevete se puleaga o tau kiate ia totonu, e leaise mafai ke tuu makeke le puleaga lena ;

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Soane 13:8

Na pati loa Petelo kiate ia : Leai, e leaise ke fufulu loa oku vae. Na tali loa Sesu kiate ia : Kapau e leaise kau fufulu a koe, ti e leaise ke kau loa mo au.

Tetelonome 13:13

Na i ai se kau tagata noa leia na mavae meiate koe ti na fakasalai ia le kakai o le kolo lena o pati : tou ano, o tausi ki ni atua kese, ki ni atua ala e leaise kotou iloa,

Tuifakamaau 19:22

I le lolotoga o lolatou taupau mauli, ko leinei, kua takatakai loa le fale e ni tagata o le kolo, ni tagata veli, ti kua lotou ta loa le matapa. Na lotou pati loa ki le matua, pule o le fale : Ke ke fakaulu mai ki fafo le tagata leia na ke aga o tali i lou fale, e motou fia iloa a ia.

Tuifakamaau 3:27

I lana kaku ki Seila, na pupusi loa e ia le fakatagi pupusi i le mauga o Efalaimi ke tanaki ai a fanau a Iselaele ki le tau. Ti na nofo loa a ia ko lolatou pule, ti na lotou ifo loa mei le mauga.

Lute 2:3

Na ano loa a ia o tae fulumeto i se faisaga, i muli o le kau tuuti fulumeto. Ti na to manuia loa na maua le faisaga lena e Poase, leia mei le famili o Elimeleke.

Uluaki tosi a Samuele 13:2

Na filifili loa e Saulo a tagata e tino afe tolu o Iselaele : na nofo loa a tino afe e lua mo ia i Mikimase, i le mauga o Petele, ti na nofo loa le tino afe e tasi mo Sonatane i Kipea o Pesamino. Na kakau loa e ia le toega o le kakai ke tasi ano ki olatou falela.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.

Uluaki tosi a Samuele 30:22

Ko tagata agaveveli fuli mo fakalialia ia latou ala na ano mo Tavite, na pati loa : O tupu na leaise lotou au mo tatou, e leaise tou soli loa kia latou se nea i koloa ala na tou aga o saofaki ; gato fai ki le avaga mo fanau a le tagata taki toka tasi ; ke lotou too latou, ti ke lotou ano.