Lua tosi a Samuele 2:27 - Tosi Tapu

²⁷ Na tali loa Soape : E mauli le Atua ! Kanapau na leaise ke masau loa, e leaise taofi loa e le kakai lalatou tuli olatou fetaina i mua o le usu.

Lua tosi a Samuele 2:27 ပူးပေါင်းရင်းမြစ်များ

Lua tosi a Samuele 2:14

Na pati loa Apenele kia Soape : Ke tutuu ki aluga a kau tupulaga, ti ke lotou tau i ota mua ! Na tali loa Soape : Ke lotou tutuu ki aluga !

Lua tosi a Samuele 2:26

Na kalaga loa Apenele kia Soape, o pati : Pe tuku le seleta pe soko atu aifai lana maumau ? Pe leaise ke iloa e sikuga veli loa le nea leinei ? Ko afea e ke talitali ki ai, ke ke pati ai ki le kakai ke fakagato lalatou tuli olatou fetaina ?

Lua tosi a Samuele 2:28

Ti na pupusi loa e Soape le fakatagi pupusi ti na tuu loa le kakai katoa ; na leaise toe soko atu lalatou tuli a Iselaele, ti na leaise toe soko atu lalatou tau.

Sopo 27:2

E mauli le Atua, leia e leaise fia fakasa ia loku faitotonu ! E mauli le Mafimafi, leia kua fakaapele ia loku laumalie ki se mamae kona !

Taagapati 15:1

E fakafimalie le ita e se tali malu, Kae e fakaasilisili a ia e se masau fefeka.

Taagapati 17:14

Ko le kamata o se fefele, ko le fakamavaa a ia o se kaua e taofi ia le vai ; I mua o le vevela o le fefele, ke ke ano o puli.

Taagapati 20:18

E fakamakeke fakatuutuu i le fakakaukau ; I mua o le fai o le tau, fakakaukau malie.

Taagapati 25:8

Aua na ke fakatavili o fakasa i le fakamaauaga le nea leia na ke tio ki ai, Talie na fakaoki ake e leaise koi ke iloa se nea ke fai, Mo ka fakaluma loa a koe e lou oloi.

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Uluaki tosi a Samuele 25:26

I le lakaga nei, ei loku aliki, ofaipe le maoki e mauli le Eteleno ti e mauli lou laumalie, ko le Eteleno leia kua taofi ia a koe ke aua na ke liligi noa le toto, ti ko ia leia kua taofi ia lou lima. Ke liliu ou fili, mo latou ala e loto veli ki loku aliki, ofaipe Napale !