Lua tosi a Samuele 2:14 - Tosi Tapu

¹⁴ Na pati loa Apenele kia Soape : Ke tutuu ki aluga a kau tupulaga, ti ke lotou tau i ota mua ! Na tali loa Soape : Ke lotou tutuu ki aluga !

Lua tosi a Samuele 2:14 ပူးပေါင်းရင်းမြစ်များ

Lua tosi a Samuele 2:15

Na lotou tutuu ake loa ki aluga, o soso ki loto i se api tatau, ko le tino agafulu tupu lua o Pesamino mo Iseposete, vosa o Saulo, ti mo le tino agafulu tupu lua o le kakai a Tavite.

Lua tosi a Samuele 2:16

Na lotou tasi too loa lona soa i le fa ulu, o sukii lona vakavaka ki le seleta, ti na lotou vivilo fakatasi fuli loa ki le kele. Ti na fakaigoa loa le ganea lena na ofi ki Kapaone ko Elekati-Atesulimi.

Lua tosi a Samuele 2:17

Na soko loa i le aso lena se tau veli ai, leia na lava ai loa Apenele mo tagata o Iselaele i le kakai a Tavite.

Lua tosi o Sau 14:8

Ti na kakau loa e Amatesia ni tagata avelogo kia Soasi, vosa o Soakase, vosa o Seu, sau o Iselaele, o pati kiate ia : Au, ke ta tau !

Taagapati 10:23

Ko le fai o le veli ko se manogi ki le tagata valea, Kae ko le poto ko le vaega o le tagata atamai.

Taagapati 17:14

Ko le kamata o se fefele, ko le fakamavaa a ia o se kaua e taofi ia le vai ; I mua o le vevela o le fefele, ke ke ano o puli.

Taagapati 20:18

E fakamakeke fakatuutuu i le fakakaukau ; I mua o le fai o le tau, fakakaukau malie.

Taagapati 25:8

Aua na ke fakatavili o fakasa i le fakamaauaga le nea leia na ke tio ki ai, Talie na fakaoki ake e leaise koi ke iloa se nea ke fai, Mo ka fakaluma loa a koe e lou oloi.