Lua tosi a Samuele 19:9 - Tosi Tapu

⁹ Ti na visi loa le kakai i faasiga fuli o Iselaele, o pati : Na saofaki tatou e le sau mei le lima o otatou fili, ko ia leia na fakamauli ia tatou mei le lima o le kau Filisitini ; ti ko leinei na tonu ke sola a ia mei le fenua i mua o Apesalone.

Lua tosi a Samuele 19:9 ပူးပေါင်းရင်းမြစ်များ

Lua tosi a Samuele 15:14

Ti na pati loa Tavite ki ana tagata fakasausau ala na nonofo mo ia i Selusalemi : Kotou tutuu ki aluga, ke tou fesolaki, talie e leaise tou mauuli loa i mua o Apesalone. Kotou fakavilivili o ano, talie na tau fakafokifa mai loa a ia kia tatou, ti na fakavilo loa e ia le malaia kia tatou, ti na taai loa e ia le kolo ki le seleta.

Lua tosi a Samuele 18:17

Na lotou too loa Apesalone, ti na lotou ti loa a ia ki se fa popoko lasi i le vaomatua, ti na lotou laku loa ni fatu i aluga. Na sola loa Iselaele katoa, o tasi ano ki lona falela.

Lua tosi a Samuele 19:10

Kae ko leinei, kua mate i le tau Apesalone, leia na tou fakanofo ke pule kia tatou : Kolea e leaise kotou masasau ai ke toe fakaliliu mai le sau ?

Lua tosi a Samuele 19:40

Na ano loa le sau o fakaaga ki Kilikale, ti na ano loa Kimame mo ia. Na fakafeao ki le sau le kakai katoa o Suta mo le vaelua o le kakai o Iselaele i lana fakalaka i le solotane.

Lua tosi a Samuele 22:44

E ke saofaki au mei le fetauaki o loku kakai ; E ke taupau au ko le pule o atu puleaga ; E tausi kiate au se kakai leia na leaise kau iloa.

Lua tosi a Samuele 5:20

Na au loa Tavite ki Paale-Pelatesimi, leia na taai loa latou e ia i ai, ti na pati loa a ia : Kua fakamavete e le Eteleno oku fili i oku mua, ofaipe ni vai e sali. Koia leia na soli ai ki le ganea lena le igoa ko Paale-Pelatesimi.

Pesalemo 18:43

E kau gugu latou ofaipe le efu leia e ave e le matagi. E kau takatakafi latou ofaipe le pela o le ala.

Ekesote 32:24

Na kau pati loa kia latou : Ko latou ala e maua ia se aulo, ke lotou too a ia o aumai kiate au ! Ti na lotou aumai loa a ia kiate au ; ti na kau ti loa le aulo ki le afi, ti na maua loa mei ai le uviki pipi leinei.

Uluaki tosi a Samuele 17:50

Koia, ki se makamaka mo se fa fatu, na makeke ake loa Tavite i le Filisitini ; na taai e ia le Filisitini, o tamate, kae na leaise too e ia se seleta i lona lima.

Uluaki tosi a Samuele 18:25

Na pati loa Saulo : Kotou masau feneeki loa kia Tavite : E leaise kole e le sau kiate koe se koloa, kae e loto a ia ki ni mui kilikili e kau lelau o le kau Filisitini, ke totogi ai lona ita ki ona fili. Na afa e Saulo se puleaki leia ke vilo Tavite ki lima o le kau Filisitini.

Uluaki tosi a Samuele 19:5

ti na teiteiki i ai lona mauli, o tamate e ia le Filisitini, ti na fai loa e le Eteleno se saofaki lasi ki Iselaele katoa : Na ke tio ki ai, ti na ke fiafia ai. Kolea e ke agasala ai loa ki le toto o leia e mea, ti e ke tamate ai loa Tavite kae e leai sona tupuaga ?